ന്യൂഡല്ഹി: തിരഞ്ഞെടുപ്പ് പരാജയത്തെ തുടര്ന്ന് രാജ്യത്തെ കര്ഷക രോഷം തണുപ്പിക്കാന് കേന്ദ്ര സര്ക്കാര്. കാര്ഷിക വായ്പ എഴുതി തള്ളാനൊരുങ്ങി നരേന്ദ്ര മോദി സര്ക്കാര്. രാജസ്ഥാന് ഉള്പ്പടെയുള്ള സംസ്ഥാനങ്ങളിലെ പരാജയത്തിന്റെ മുഖ്യകാരണം കര്ഷക പ്രക്ഷോഭങ്ങളാണെന്ന വിലയിരുത്തല് ബി.ജെ.പിക്കുണ്ട്. ഇൗയൊരു സാഹചര്യത്തിലാണ് നാല് ലക്ഷം കോടിയുടെ കാര്ഷിക വായ്പ എഴുതി തള്ളാന് മോദി സര്ക്കാര് നീക്കം നടത്തുന്നത്. ശക്തികാന്ത ദാസ് ആര്.ബി.െഎ ഗവര്ണറായി ചുമതലയേറ്റെടുത്തതോടെ ഇത്തരം നീക്കങ്ങള് അതിവേഗത്തില് നടത്തുമെന്നാണ് റിപ്പോര്ട്ട്.
അതേസമയം, വായ്പ എഴുതി തള്ളല് അത്ര എളുപ്പത്തില് നടക്കില്ലെന്ന സൂചനകളും പുറത്ത് വരുന്നുണ്ട്. നിലവില് എതാണ്ട് 6.27 ലക്ഷം കോടിയാണ് ഇന്ത്യയുടെ ധനകമ്മി. വായ്പകള് എഴുതി തള്ളിയാല് ഇത് വീണ്ടും ഉയരും. കിട്ടാകടം മൂലം പ്രതിസന്ധിയിലായ ബാങ്കുകള്ക്ക് വായ്പയുടെ ഭാരം കൂടി നിലവില് വഹിക്കാനാവില്ല. എങ്കിലും കാര്ഷിക വായ്പകള് എഴുതി തള്ളാനുള്ള തീരുമാനത്തിനെതിരെ എതിര്പ്പുയരില്ലെന്നാണ് സര്ക്കാര് കണക്ക് കൂട്ടല്.