ലഖ്നൗ: ഉത്തര്പ്രദേശിലെ ഉന്നാവില് പന്ത്രണ്ട് വയസ്സുകാരിയെ ബലാത്സംഗം ചെയ്ത് കഴുത്തുഞെരിച്ചു കൊന്നു. ഹോളി ആഘോഷങ്ങള്ക്കിടെയാണ് പെണ്കുട്ടിയെ തട്ടിക്കൊണ്ടുപോയി ബലാത്സംഗത്തിനിരയാക്കിയത്.
ഹോളി ആഘോഷത്തിന്റെ ഭാഗമായുള്ള ഗാനമേള നടക്കുന്നതിനിടെയാണ് പെണ്കുട്ടിയെ കാണാതായത്. തുടര്ന്ന് ബന്ധുക്കളും നാട്ടുകാരും നടത്തിയ തെരച്ചിലില് സമീപത്തെ വയലില് നിന്നാണ് കുട്ടിയെ അവശനിലയില് കണ്ടെത്തിയത്. ഉടന്തന്നെ കുട്ടിയെ സമീപത്തെ സാമൂഹികാരോഗ്യ കേന്ദ്രത്തിലും പിന്നീട് ലാലാ ലാജ്പത് റായ് ആശുപത്രിയിലും പ്രവേശിപ്പിച്ചു. ചികിത്സയിലിരിക്കെ ചൊവ്വാഴ്ച രാത്രിയോടെയാണ് കുട്ടി മരിച്ചത്.
പ്രതികളെന്ന് സംശയിക്കുന്ന ചിലരെ കസ്റ്റഡിയിലെടുത്തിട്ടുണ്ടെന്നാണ് പോലീസിന്റെ പ്രതികരണം. ഇവരെ വിശദമായി ചോദ്യംചെയ്തുവരികയാണെന്നും കൂടുതല് വിവരങ്ങള് ഉടന് പുറത്തുവിടുമെന്നും പോലീസ് അറിയിച്ചു.