തിരുവനന്തപുരം: സംസ്ഥാനത്ത് ഞായറാഴ്ച സമ്ബൂര്ണ ലോക്ഡൗണ് നിര്ദേശിച്ചത് വിവേക പൂര്വം നടപ്പാക്കണമെന്ന് മുഖ്യമന്ത്രി പിണറായി വിജയന്. അവശ്യ സര്വീസുകള്ക്കും ഭക്ഷണ ഡെലിവറിക്കും ചില വ്യവസായങ്ങള്ക്കും ഇളവ് അനുവദിച്ചു. ഓട്ടോ റിക്ഷക്ക് ഓടാന് അനുവാദമില്ല. എന്നാല് ചെറിയ കാര്യങ്ങള്ക്ക് ഓടാന് സൗകര്യമൊരുക്കാന് കേന്ദ്ര സര്ക്കാരിനോട് അഭ്യര്ഥിക്കുമെന്നും മുഖ്യമന്ത്രി പറഞ്ഞു.
വിവിധ സംസ്ഥാനങ്ങളില് നിന്ന് തിരിച്ചെത്തുന്നവര് ഇവിടെ നിരീക്ഷണത്തില് കഴിയണം. നിര്ദേശം ലംഘിക്കുന്നവര്ക്കെതിരേ കര്ശന നിയമനടപടി സ്വീകരിക്കും. റെഡ് സോണില് നിന്നാണെന്ന് പറഞ്ഞ് ആരെയും തടയില്ല. എന്നാല് കൃത്യമായ നടപടിക്രമം പാലിക്കണം. രജിസ്റ്റര് ചെയ്യാതെ എത്തുന്നവരെ കടത്തിവിടില്ല. എവിടെനിന്നാണോ വരുന്നത് അവിടത്തെ പാസും എവിടേക്കാണോ വരുന്നത് അവിടത്തെ പാസും ആവശ്യമാണ്. വിവരങ്ങള് മറച്ചുവെച്ച് വരുന്നവരെയും തടയും. അതിര്ത്തിയില് കൃതമായ ശാരീരിക അകലം പാലിക്കണമെന്നും മുഖ്യമന്ത്രി പറഞ്ഞു.
അന്യ സംസ്ഥാനങ്ങളില് കുടുങ്ങിയ വിദ്യാര്ഥികള്ക്ക് പ്രത്യേക ട്രെയിന് അനുവദിക്കാന് മുഖ്യമന്ത്രിയോട് ആവശ്യപ്പെട്ടു. ഡല്ഹി, മുംബൈ, ബംഗളൂരു എന്നിവിടങ്ങളില്നിന്ന് പ്രത്യേക ട്രെയിന് എത്തിക്കാന് ശ്രമിക്കും. ലക്ഷദ്വീപില് കുടുങ്ങിയവരെ എത്തിക്കാന് അവിടത്തെ ഭരണകൂടമായി സംസാരിച്ചതായും മുഖ്യമന്ത്രി പറഞ്ഞു.