പെരുമ്ബാവൂര് എം.എല്.എ എല്ദോസ് കുന്നപ്പിള്ളി രാമക്ഷേത്ര നിര്മാണത്തിന് സംഭാവന നല്കിയിട്ടില്ലെന്ന് പ്രതിപക്ഷ നേതാവ് രമേശ് ചെന്നിത്തല. അയോധ്യ രാമക്ഷേത്ര നിര്മാണ നിധിയിലേക്ക് എല്ദോസ് കുന്നപ്പിള്ളി സംഭാവന നല്കിയെന്ന് സമൂഹമാധ്യമങ്ങളില് വന്തോതില് പ്രചരണം നടന്നിരുന്നു. ആര്.എസ്.എസ് പ്രവര്ത്തകര് അദ്ദേഹത്തെ തെറ്റിദ്ധരിപ്പിച്ചാണ് സംഭാവന കൈപ്പറ്റിയതെന്നും രമേശ് ചെന്നിത്തല പറഞ്ഞു.
എല്ദോസ് കുന്നപ്പിള്ളി ആര്.എസ്.എസിന് സംഭാവന നല്കി രാമക്ഷേത്രത്തിന്റെ മാതൃക സ്വീകരിക്കുന്ന ചിത്രം കഴിഞ്ഞദിവസമാണ് പുറത്തുവന്നത്. ഇരിേങ്ങാള് കാവിന്റെ ഭാരവാഹികളെന്ന് പറഞ്ഞെത്തിയവര് തന്നോട് ആയിരം രൂപ സംഭാവന വാങ്ങിയെന്നായിരുന്നു എം.എല്.എയുടെ വിശദീകരണം.
ജില്ല പ്രചാരക് അജേഷ് കുമാര്, വിദ്യാര്ഥി പ്രമുഖ് അനിലന് ശങ്കര്, കെ.ആര്. സുഭാഷ്, പി.എസ്. ശരത്, അരവിന്ദ് എന്നിവര്ക്കൊപ്പം നില്ക്കുന്ന ചിത്രമാണ് സമൂഹമാധ്യമങ്ങളില് പ്രചരിച്ചത്. എം.എല്.എയുടെ ഓഫിസിലെത്തി സംഭാവന വാങ്ങി ഇവര് ഫോട്ടോ എടുക്കുകയായിരുന്നു. ചിത്രം വന്തോതില് പ്രചരിച്ചതോടെ എം.എല്.എക്കെതിരെ കോണ്ഗ്രസ് പ്രവര്ത്തകര് ഉള്പ്പെടെ രൂക്ഷ വിമര്ശനം ഉന്നയിച്ചിരുന്നു.