ജുബൈല്: ഗാര്ഹിക തൊഴിലാളികളുടെ അവകാശങ്ങള് സംരക്ഷിക്കുന്നതിലും സേവനങ്ങള് മെച്ചപ്പെടുത്തുന്നതിലും സൗദി അറേബ്യയെ മുന് നിരയില് എത്തിക്കുന്നതില് ‘മുസാനെദ്’ എന്ന സംവിധാനം വിജയിച്ചുവെന്ന് ഐക്യരാഷ്ട്ര സഭയുടെ കീഴിലുള്ള അന്താരാഷ്ട്ര തൊഴിലാളി സംഘടന (ഇന്റര്നാഷനല് ലേബര് ഓര്ഗനൈസേഷന്). സൗദി മാനവ വിഭവശേഷി, സാമൂഹിക വികസന മന്ത്രാലയത്തിന്റെ ‘മുസാനെദ്’ കഴിഞ്ഞ ദിവസം പുറത്തിറക്കിയ റിപ്പോര്ട്ടിലാണ് ഇതുസംബന്ധിച്ച് സ്ഥിരീകരണമുള്ളത്.
രാജ്യത്തേക്കുള്ള വിദേശ ഗാര്ഹിക തൊഴിലാളികളുടെ റിക്രൂട്ട്മെന്റ് നടപടിക്രമങ്ങള് സുഗമമാക്കുന്ന പുതിയ സംയോജിത സംവിധാനമാണ് ‘മുസാനെദ്’. മാനവ വിഭവശേഷി, സാമൂഹിക വികസന മന്ത്രാലയത്തിന്റെ മേല്നോട്ടത്തില് ‘മുസാനെദ്’ വഴി ഗാര്ഹിക ജീവനക്കാരെ റിക്രൂട്ട് ചെയ്യുന്നതിനുള്ള നടപടികള് അനായാസമാക്കുകയും അവരുടെ അവകാശ സംരക്ഷണങ്ങളുടെ നിലവാരം വര്ധിപ്പിക്കുകയും ചെയ്യാനായി. റിക്രൂട്ട്മെന്റ് പ്രക്രിയയില് ഓരോരുത്തര്ക്കും പങ്കുണ്ടെന്നും അവരുടെ ഉത്തരവാദിത്തങ്ങള്, അവകാശങ്ങള്, ചുമതലകള് എന്തൊക്കെയാണെന്നും വ്യക്തമായി രേഖപ്പെടുത്തിയിട്ടുണ്ട്.
സേവനങ്ങളുടെ ഗുണനിലവാരം ഉയര്ത്തുന്നതിനും റിക്രൂട്ട്മെന്റ് സംവിധാനം മെച്ചപ്പെടുത്തുന്നതിനും റിക്രൂട്ട്മെന്റ് ഓഫിസുകളും കമ്ബനികളും തമ്മിലുള്ള മത്സരശേഷി വര്ധിപ്പിക്കുന്നതിനും ഈ സംവിധാനം പ്രയോജനപ്രദമായി . പോര്ട്ടലിന്റെ ഓണ്ലൈന് സംവിധാനം വഴി വിപണിയിലെ റിക്രൂട്ട്മെന്റ് ചെലവ് കുറഞ്ഞു .
ഗാര്ഹിക തൊഴിലാളികളുടെ കരാര് സംവിധാനം നിയന്ത്രിക്കുന്നതിലും ഇരുവിഭാഗത്തിനും അവകാശങ്ങള് ഉറപ്പുനല്കുന്നതിലും തൊഴിലാളികള്ക്ക് മാന്യമായ ജീവിതം ഉറപ്പാക്കുന്നതിനും നിയമനിര്മാണം നടത്തുന്നതിലും മുസാനെദ് പ്ലാറ്റ്ഫോo ഫലപ്രദമാണ്