പട്ന: ബിഹാറിലെ സമസ്തിപൂര് ഗ്രാമത്തില് കൂട്ട ബലാല്സംഗത്തിന് ഇരയായ യുവതി ഗുരുതരാവസ്ഥയില്. യുവതിയെ ക്രൂരമായി കൂട്ടബലാല്സംഗത്തിനിരയാക്കിയ ശേഷം നഗ്നയാക്കി ഇലക്ട്രിക് പോസ്റ്റില് തൂക്കിയിട്ട് പ്രതികള് കടന്ന് കളഞ്ഞു. യുവതി ശുചിമുറിയില് പോകാന് വീടിന്റെ പുറത്ത് ഇറങ്ങിയപ്പോഴാണ് ആക്രമണം നടന്നത്. യുവതിയെ പ്രതികള് വിജനമായ സ്ഥലത്തെത്തിച്ച ശേഷം കൊല്ലുമെന്ന് ഭീഷണിപ്പെടുത്തി കൂട്ട ബലാല്സംഗത്തിനിരയാക്കുകയായിരുന്നു. പോസ്റ്റില് തൂങ്ങിയാടുകയായിരുന്ന യുവതിയെ നാട്ടുക്കാരാണ് ആശുപത്രിയില് എത്തിച്ചത്. യുവതിയുടെ നില ഗുരുതരമാണ്. സംഭവത്തെത്തുടര്ന്ന് പൊലീസ് 7 പേരെ പിടികൂടി ചോദ്യം ചെയ്ത് വരികയാണ്.