തിരുവനന്തപുരം: ബജറ്റ് പ്ര്യഖ്യാപനങ്ങളില് അവ്യക്തതയുണ്ടെന്നും പല പ്രഖ്യാപനങ്ങളും ജനങ്ങളെ കബളിപ്പിക്കുന്നതാണെന്നും പ്രതിപക്ഷ നേതാവ് വി ഡി സതീശന്.
സര്ക്കാറിന്റെ ബജറ്റും നയപ്രഖ്യാപനവും തമ്മില് രാഷ്ട്രീയത്തില് തിരിച്ചറിയാന് പറ്റാത്ത അവസ്ഥയാണ്. നയപ്രഖാപനത്തില് പറയേണ്ടത് ബജറ്റില് പറഞ്ഞു. ബജറ്റിന്റെ പവിത്രത തകര്ക്കുന്ന തരത്തില് രാഷ്ട്രീയം നിറച്ചുവെന്നും പ്രതിപക്ഷ നേതാവ് ആരോപിച്ചു.
പ്രതിപക്ഷം നിര്ദേശിച്ച ചില കാര്യങ്ങള് ബജറ്റില് ഉള്പ്പെടുത്തിയതിന് നന്ദിയുണ്ടെന്നും സതീശന് പറഞ്ഞു. മൂന്നാം കൊവിഡ് തരംഗത്തെ പ്രതിരോധിക്കുന്നതിന് ഇപ്പോള് നടപടി വേണമെന്ന പ്രതിപക്ഷത്തിന്റെ നിര്ദേശം അംഗീകരിക്കപ്പെട്ടു.
പുതിയ നികുതി നിര്ദേശങ്ങളൊന്നുമുണ്ടായില്ല. ഒന്നാം ഉത്തേജന പാക്കേജ് മറ്റ് പല ആവശ്യങ്ങള്ക്കും ഉപയോഗിച്ചു. 20,000 കോടിയുടെ ഉത്തേജന പാക്കേജ് അധിക ചെലവാണ്. നീക്കിയിരിപ്പായി 5,000 കോടിയുണ്ടെന്നത് ബജറ്റില് കണ്ടില്ല. കാപട്യം ഒളിപ്പിച്ചുവെച്ചിരിക്കുന്ന ബജറ്റാണിതെന്നും സതീശന് പറഞ്ഞു.