തൃശൂര്: കുട്ടികള്ക്ക് നേരെ അശ്ലീല പ്രദര്ശനം നടത്തിയെന്ന കേസില് നടന് ശ്രീജിത്ത് രവിയുടെ ജാമ്യാപേക്ഷ കോടതി തള്ളി.
ഇയാളെ 14 ദിവസത്തേക്ക് റിമാന്ഡ് ചെയ്തു. ഇത് രണ്ടാം തവണയാണ് പ്രതിക്കെതിരെ കേസ് വരുന്നതെന്നും ഒന്നാമത്തെ കേസ് ഒത്തുതീര്പ്പാക്കിയത് പ്രതിയുടെ സ്വാധീനം തെളിയിക്കുന്നതാണെന്ന് കോടതി വ്യക്തമാക്കിയാണ് ജാമ്യം നിഷേധിച്ചത്.
ശ്രീജിത്ത് രവി കോടതിയില് ചികിത്സ രേഖകള് ഹാജരാക്കിയെങ്കിലും മെഡിക്കല് ട്രീറ്റ്മെന്റ് വാദം കോടതി തള്ളുകയായിരുന്നു. ജാമ്യം നല്കിയാല് കുറ്റവാളികള്ക്ക് പ്രോത്സാഹനം നല്കുന്ന നിലപാടാകുമെന്നും തെറ്റായ സന്ദേശമാണ് നല്കുകയെന്നും പ്രോസിക്യൂഷന് കോടതിയെ അറിയിച്ചിരുന്നു. ഇന്നലെ തൃശൂര് അയ്യന്തോളിലാണ് സംഭവം. തൃശൂര് വെസ്റ്റ് പൊലിസാണ് പോക്സോ കേസില് ശ്രീജിത്ത് രവിയെ അറസ്റ്റ് ചെയ്തത്.