തിരുവനന്തപുരം: നീറ്റ് പരീക്ഷ എഴുതാനെത്തിയ വിദ്യാര്ത്ഥിനികളുടെ അടിവസത്രം അഴിച്ച് പരിശോധന നടത്തിയ സംഭവത്തില് പ്രതികരണവുമായി ഗവര്ണര്.
സംഭവത്തില് പരാതി ലഭിച്ചിട്ടില്ലെന്നും, പരാതി ലഭിച്ചാല് ഉറപ്പായും ഇടപെടുമെന്നും അദ്ദേഹം മാധ്യമങ്ങളോട് പറഞ്ഞു. പെണ്കുട്ടികളുടെ അന്തസ്സ് ഹനിക്കുന്ന ഇത്തരം സംഭവങ്ങള് ഉണ്ടാകാന് പാടില്ലെന്നും ഇത് ആവര്ത്തിക്കാന് അനുവദിക്കില്ലെന്നും അദ്ദേഹം വ്യക്തമാക്കി.കൊല്ലം ആയൂരിലെ കോളജില് പരീക്ഷ എഴുതാനെത്തിയ പെണ്കുട്ടികളുടെ അടിവസ്ത്രമാണ് ഉദ്യോഗസ്ഥര് അഴിച്ചു പരിശോധിച്ചത്. സംഭവത്തില് അപമാനിതയായ പെണ്കുട്ടി കൊട്ടാരക്കര ഡിവൈഎസ്പിക്ക് പരാതി നല്കിയതോടെയാണ് ഇക്കാര്യം പുറത്തറിഞ്ഞത്. സംഭവം വിവാദമായതോടെ നിരവധി പെണ്കുട്ടികള് പരാതിയുമായി രംഗത്തെത്തി.തുടര്ന്ന് നടത്തിയ അന്വേഷണത്തില് അഞ്ചു പേരെ പോലീസ് അറസ്റ്റ് ചെയ്തിരുന്നു.