കോഴിക്കോട്: വടകരയില് പൊലീസ് കസ്റ്റഡിയിലെടുത്ത യുവാവ് മരിച്ച സംഭവത്തില് നടപടി. സംഭവ സമയത്ത് സ്റ്റേഷനിലുണ്ടായിരുന്ന വടകര സ്റ്റേഷന് എസ്.ഐ അടക്കം മൂന്ന് പൊലീസ് ഉദ്യോഗസ്ഥരെ സസ്പെന്ഡ് ചെയ്തു.
വടക സ്റ്റേഷന് എസ്.ഐ നിജേഷ്, എ.എസ്.ഐ അരുണ്, സിവില് പൊലീസ് ഓഫീസര് ഗിരീഷ് എന്നിവര്ക്കാണ് സസ്പെന്ഷന്. പ്രഥമ ദൃഷ്ട്യാ വീഴ്ച വരുത്തിയെന്ന് കണ്ടെത്തിയതിനെ തുടര്ന്നാണ് മൂന്ന് പേരേയും സസ്പെന്ഡ് ചെയ്തത്. ഉത്തരമേഖല ഐജി രാഹുല് ആര് നായര് ആണ് നടപടി സ്വീകരിച്ചത്.
വടകര കല്ലേരി സ്വദേശി സജീവനാണ് സ്റ്റേഷനില് വച്ച് ചികിത്സ കിട്ടാതെ മരിച്ചത്. വാഹന അപകടത്തെത്തുടര്ന്ന് കസ്റ്റഡിയിലെടുത്ത പൊലീസ് സംഘം സ്റ്റേഷനില് വച്ച് സജീവനെ മര്ദ്ദിച്ചതായി കൂടിയുണ്ടായിരുന്നവര് ആരോപിച്ചിരുന്നു. നെഞ്ച് വേദനയുണ്ടെന്ന് സജീവന് പറഞ്ഞിട്ടും മുക്കാല് മണിക്കൂറോളം സ്റ്റേഷനില് തന്നെ നിര്ത്തിയെന്നും അദ്ദേഹത്തിന്്റെ ബന്ധുക്കളും സുഹൃത്തുകളും ആരോപിക്കുന്നു.