തിരുവനന്തപുരം: വിഴിഞ്ഞം കരാര് സംസ്ഥാന താത്പര്യത്തിന് വിരുദ്ധമാണെന്ന സിഎജി റിപ്പോര്ട്ടിന്റെ അടിസ്ഥാനത്തില് ജുഡീഷ്യല് അന്വേഷണം നടത്താന് സംസ്ഥാന സര്ക്കാര് തീരുമാനിച്ചു.
മുഖ്യമന്ത്രി പിണറായി വിജയനാണ് ഇക്കാര്യം അറിയിച്ചത്. റിട്ട. ജസ്റ്റിസ് രാമചന്ദ്രന് നായരാണ് കരാറിനെ കുറിച്ച് അന്വേഷിക്കുക. ഉമ്മന്ചാണ്ടി സര്ക്കാരിന്റെ കാലത്ത് ഒപ്പുവെച്ച കരാറിനെ കുറിച്ച് സി.എ.ജി റിപ്പോര്ട്ടില് രൂക്ഷവിമര്ശനം ഉണ്ടായതോടെയാണ് പിണറായി സര്ക്കാര് ജുഡീഷ്യല് അന്വേഷണം വേണമെന്ന് തീരുമാനിച്ചത്.
കരാര് അദാനി ഗ്രൂപ്പിന് വന്ലാഭം ഉണ്ടാക്കിക്കൊടുന്നതാണെന്നും നിയമസഭയില് വെച്ച സിഎജി റിപ്പോര്ട്ടില് വ്യക്തമാക്കിയിരുന്നു. കരാറിലൂടെ അദാനിക്ക് 29,217 കോടിയുടെ അധികലാഭം ഉണ്ടാക്കിക്കൊടുക്കുമെന്നും റിപ്പോര്ട്ടിലുണ്ട്.