സന: ആഭ്യന്തര യുദ്ധം രൂക്ഷമായ യെമനില് നിന്നും ഐഎസ് ഭീകരര് തട്ടിക്കൊണ്ടുപോയ മലയാളി വൈദികന് ഫാ.ടോം ഉഴന്നാലിലിനെ മോചിപ്പിച്ചു. യെമനിലെ തടവറയിലായിരുന്ന അദ്ദേഹം മോചിതനായി ഒമാനിലെ മസ്കറ്റില് എത്തി. ഒമാന് സര്ക്കാരിന്റെ ഇടപെടലിനെ തുടര്ന്നാണ് മോചനം സാധ്യമായത്.
2016 മാര്ച്ച് നാലിനാണു യെമനിലെ ഏദനിലുള്ള മിഷനറീസ് ഓഫ് ചാരിറ്റീസിന്റെ വൃദ്ധസദനം അക്രമിച്ച ശേഷം നാലു കന്യാസ്ത്രീകളെയും നിരവധി അന്തേവാസികളെയും വധിക്കുകയും ഫാ. ടോമിനെ തട്ടിക്കൊണ്ടുപോവുകയും ചെയ്തത്. പിന്നീട് ഫാ.ടോമിനെ വിട്ടുതരണമെങ്കില് വന് തുക മോചനദ്രവ്യം നല്കണമെന്ന് ഭീകരര് ആവശ്യപ്പെടുകയും ചെയ്തിരുന്നു. സലേഷ്യന് വൈദികനും പാലാ രാമപുരം സ്വദേശിയുമായ ഫാം. ടോം യെമനിലാണ് പ്രവര്ത്തിച്ചിരുന്നത്.