ബെംഗലൂരു: സോളാര് കേസില് പ്രതിചേര്ത്തതില്നിന്നും ഒഴിവാക്കണമെന്നാവശ്യപ്പെട്ട് മുന്മുഖ്യമന്ത്രി ഉമ്മന്ചാണ്ടി നല്കിയ ഇടക്കാല ഹര്ജിയില് ഇന്ന് വിധി പറയും. ബെംഗലൂരു വ്യവസായി എം.കെ.കുരുവിള നല്കിയ കേസില് അഞ്ചാം പ്രതിയാണ് ഉമ്മന്ചാണ്ടി.
ബെംഗലൂരു സിറ്റി സിവില് കോടതിയാണ് വിധി പറയുന്നത്. നാനൂറ് കോടിയുടെ സോളാര് പദ്ധതിയുടെ പേരില് ഉമ്മന്ചാണ്ടിയുടെ ബന്ധുവുള്പ്പെടെയുളളവര് ഒന്നരക്കോടിയോളം രൂപ തട്ടിയെന്നാണ് കേസ്.
നേരത്തെ ഈ കേസില് ഉമ്മന് ചാണ്ടിയുള്പ്പെടെയുളള പ്രതികള് പിഴയടക്കണമെന്ന് കോടതി വിധിച്ചിരുന്നു. തന്റെ ഭാഗം കേള്ക്കാതെയാണ് വിധിയെന്നും വീണ്ടും വാദം കേള്ക്കണമെന്നുമുളള ഉമ്മന് ചാണ്ടിയുടെ ആവശ്യം പിന്നീട് കോടതി അംഗീകരിച്ചു. ഇതിന്മേലാണ് ഇന്ന് വിധിയുണ്ടാവുക.