ന്യൂഡല്ഹി: പഞ്ചാബ് നാഷണല് ബാങ്കുമായി ബന്ധപ്പെട്ട തട്ടിപ്പ് സംബന്ധിച്ച വാര്ത്തകള് വ്യാപകമാവുന്നതിനിടെ കര്ശന നിയന്ത്രണങ്ങളുമായി ആര്.ബി.െഎ. ബാങ്കിെന്റ പ്രവര്ത്തനങ്ങളെല്ലാം കര്ശനമായി നിരീക്ഷിക്കുമെന്നാണ് നിലവില് ആര്.ബി.െഎ അറിയിച്ചിരിക്കുന്നത്.
വെള്ളിയാഴ്ചയാണ് ഇതുസംബന്ധിച്ച ആര്.ബി.െഎ അറിയിപ്പ് പുറത്ത് വന്നത്. മറ്റ് ബാങ്കുകളില് ഏര്പ്പെടുത്തിയതിനെക്കാള് കര്ശന നിയന്ത്രണങ്ങള് പി.എന്.ബിക്ക് മുകളില് കൊണ്ട് വരാനാണ് ആര്.ബി.െഎയുടെ പദ്ധതി.
പഞ്ചാബ് നാഷണല് ബാങ്കിെന്റ ജാമ്യം ഉപയോഗിച്ച് വിദേശത്ത് നിന്ന് വജ്രവ്യവസായി നീരവ് മോദി കോടികള് തട്ടിയെന്ന വാര്ത്തകളാണ് കഴിഞ്ഞ ദിവസം പുറത്ത് വന്നത്. ബാങ്ക് ഉദ്യോഗസ്ഥരുടെ ഒത്താശയോടെയായിരുന്നു തട്ടിപ്പ് നടന്നതെന്നാണ് റിപ്പോര്ട്ട്.
ആക്സിസ് ബാങ്ക്, യൂണിയന് ബാങ്ക്, അലഹബാദ് ബാങ്ക്, എസ്.ബി.െഎ തുടങ്ങി രാജ്യത്തെ മുന്നിര ബാങ്കുകളെല്ലാം നീരവ് മോദിക്ക് പി.എന്.ബിയുടെ ജാമ്യം മുന്നിര്ത്തി വായ്പ അനുവദിച്ചിരുന്നു.