ന്യൂഡല്ഹി: പ്രധാനമന്ത്രി നരേന്ദ്രമോദി മൗനി ബാബയായി മാറിയെന്ന് ശിവസേനയുടെ പരിഹാസം. അഭ്യന്തര പ്രശ്നങ്ങളില് വിദേശത്ത് മാത്രമാണ് മോദി പ്രതികരണം നടത്തുന്നതെന്ന് ശിവസേന കുറ്റപ്പെടുത്തി. മുഖപത്രമായ സാമ്നയിലെ എഡിറ്റോറിയലിലാണ് ശിവസേന പ്രധാനമന്ത്രിക്കെതിരെ രൂക്ഷ വിമര്ശനം ഉയര്ത്തിയിരിക്കുന്നത്.
മോദി വിദേശത്ത് മാത്രം പ്രതികരണം നടത്തുന്ന സാഹചര്യത്തില് ഇന്ത്യയുടെ തലസ്ഥാനം ലണ്ടന്, ന്യൂയോര്ക്ക്, ടോക്കിയോ, പാരീസ് തുടങ്ങിയ സ്ഥലങ്ങളിലേതെങ്കിലുമൊന്നിലേക്ക് മാറ്റണം. മോദി കൂടുതല് നല്ല രീതിയില് സംസാരിക്കണമെന്ന മന്മോഹന് സിങിെന്റ പ്രസ്താവനയില് അര്ധസത്യമുണ്ടെന്നും ശിവസേന വ്യക്തമാക്കുന്നു.
വിവാദമായ ബലാല്സംഗകേസുകളെ കുറിച്ച് മോദി പ്രതികരണം നടത്തിയത് ലണ്ടനിലാണ്. ലോല മനസുള്ളയാളായത് കൊണ്ടാണ് മോദി വിദേശത്ത് പ്രതികരണം നടത്തിയതെന്നും സാമ്നയുടെ എഡിറ്റോറിയല് പരിഹസിക്കുന്നു. ബലാല്സംഗത്തെ രാഷ്ട്രീയവല്ക്കരിക്കരുതെന്നായിരുന്നു മോദിയുടെ പ്രസ്താവന. എന്നാല് നിര്ഭയ പ്രശ്നമുണ്ടായപ്പോള് ഇതില് നിന്ന് വിരുദ്ധമായ നിലപാടാണ് മോദി സ്വീകരിച്ചത്. ഇന്ത്യയിലെ ബാങ്കുകളില് തട്ടിപ്പ് നടത്തിയ വിജയ് മല്യ ലണ്ടനിലാണ് ഉള്ളത്. നീരവ് മോദിയും വിദേശത്താണ്. എന്നാല്, സ്ഥിരം വിദേശത്തുള്ള മോദി ഇവരെ തിരിച്ചെത്തിക്കാനുള്ള നീക്കങ്ങളൊന്നും നടത്തുന്നില്ലെന്നും സാമ്നയുടെ എഡിറ്റോറിയല് പറയുന്നു.