തിരുവനന്തപുരം: പൊലീസിലെ അടിമപ്പണി നിലനില്ക്കുന്നുവെന്നത് ഗൗരവതരമെന്ന് മുഖ്യമന്ത്രി പിണറായി വിജയന്. ഔദ്യോഗിക കാര്യങ്ങള്ക്കായി വിന്യസിക്കേണ്ട പൊലീസ് കോണ്സ്റ്റബിള്മാരെയും മറ്റും വീട്ടാവശ്യങ്ങള്ക്കും വ്യക്തിപരമായ സേവനങ്ങള്ക്കും ഉന്നത ഉദ്യോഗസ്ഥര് ഉപയോഗപ്പെടുത്തുന്നുണ്ടോ എന്ന കാര്യം പരിശോധിക്കാന് നിര്ദേശിച്ചിട്ടുണ്ടെന്നും മുഖ്യമന്ത്രി സഭയില് പറഞ്ഞു.
ഇത്തരം പ്രവണത പൂര്ണ്ണമായും അവസാനിപ്പിക്കണം. ഇക്കാര്യത്തില് സര്ക്കാരും പൊലീസ് മേധാവിയും നല്കുന്ന നിര്ദേശങ്ങള്ക്ക് വിരുദ്ധമായി പ്രവര്ത്തിക്കുന്ന ഏതു ഉന്നത ഉദ്യോഗസ്ഥനുണ്ടായാലും കര്ശനമായ നടപടി സ്വീകരിക്കുമെന്നും മുഖ്യമന്ത്രി പറഞ്ഞു.
പൊലീസ് കോണ്സ്റ്റബിള് ഉള്പ്പെടെയുള്ള സകല ജീവനക്കാരുടെയും മാനുഷികാവകാശങ്ങള്ക്കു പരിരക്ഷയും ആദരവും നല്കുന്ന സമീപനമേ സര്ക്കാരില് നിന്നുണ്ടാവൂ. മനുഷ്യാവകാശങ്ങളെ ലംഘിക്കുന്ന ഒരു നടപടിയും ഒരു ഉദ്യോഗസ്ഥന്റെയും ഭാഗത്തുനിന്നുണ്ടാവുന്നത് അനുവദിക്കില്ല.
അതേസമയം പൊലീസ് അച്ചടക്കമുള്ള സേനയാണ്. അതിെന്റ അച്ചടക്കം ലംഘിക്കാന് എന്തെങ്കിലും പഴുതുണ്ടാക്കുന്നതും അനുവദിക്കാനാവില്ല. അച്ചടക്കത്തിെന്റ പേരില് മനുഷ്യാവകാശങ്ങള് ധ്വംസിക്കുന്നതും അനുവദിക്കാനാവില്ല. ഈ വിധത്തിലുള്ള സമതുലിതമായ ഒരു സമീപനമാവും സര്ക്കാരില് നിന്നുണ്ടാവുക എന്നും മുഖ്യമന്ത്രി പറഞ്ഞു.