തിരുവനന്തപുരം : ശബരിമല വിഷയത്തില് സര്ക്കാരിനെതിരെ ബിജെപിയും ആര്എസ്എസും നടത്തുന്ന കുപ്രചരണങ്ങള്ക്കെതിരെ രണ്ടാം ഘട്ട പ്രചാരണപരിപാടി സംഘടിപ്പിക്കാന് സിപിഎം സംസ്ഥാന സമിതി തീരുമാനിച്ചു. മണ്ഡലാടിസ്ഥാനത്തില് നടന്നുവരുന്ന ജനമുന്നേറ്റ ജാഥകള് ഉദ്ദേശിച്ച ഗുണം ചെയ്തുവെന്ന വിലയിരുത്തലും സംസ്ഥാന സമിതിയില് ഉണ്ടായി. ജനമുന്നേറ്റ ജാഥയ്ക്കു ശേഷമായിരിക്കും രണ്ടാം ഘട്ട പ്രചാരണ പ്രവര്ത്തനങ്ങള് ആരംഭിയ്ക്കുക. അടുത്തയാഴ്ച ചേരുന്ന സിപിഎം സംസ്ഥാന സമിതിയില് ഇക്കാര്യത്തില് കുടുതല് തീരുമാനമെടുക്കും.
ഷൊര്ണൂര് എംഎല്എ പി.കെ.ശശിക്കെതിരെയുള്ള അന്വേഷണ കമ്മീഷന് റിപ്പോര്ട്ട് വെള്ളിയാഴ്ച ചേര്ന്ന സംസ്ഥാന സെക്രട്ടേറിയറ്റും സംസ്ഥാന സമിതിയും ചര്ച്ച ചെയ്തില്ല. മണ്ഡലത്തില് നടക്കുന്ന ജനമുന്നേറ്റ ജാഥയുടെ ക്യാപ്റ്റന് കൂടിയാണു ശശി. നടപടി ജാഥയ്ക്കു ശേഷം എടുത്താല് മതിയെന്ന ധാരണയുടെ കൂടി അടിസ്ഥാനത്തിലാണ് വെള്ളിയാഴ്ച റിപ്പോര്ട്ട് ചര്ച്ചയ്ക്കെടുക്കാത്തത്.
