ന്യൂഡല്ഹി: ഡല്ഹി സഖ്യസാധ്യതകള് അടഞ്ഞതിനു പിന്നാലെ കോണ്ഗ്രസ് അധ്യക്ഷന് രാഹുല് ഗാന്ധിക്കെതിരേ വിമര്ശനം തൊടുത്ത് ഡല്ഹി മുഖ്യമന്ത്രി അരവിന്ദ് കേജരിവാള്. ബിജെപിയും നരേന്ദ്ര മോദിയും അധികാരത്തില് തിരിച്ചെത്തിയാല് രാഹുലാകും അതിന് ഉത്തരവാദിയെന്ന് കേജരിവാള് കുറ്റപ്പെടുത്തി.
രാജ്യത്തിന്റെ ഏകതയെ ബിജെപി വെല്ലുവിളിക്കുന്നു. മോദി-അമിത് ഷാ കൂട്ടുകെട്ടിനെ തടയാന് ഞങ്ങള് എന്തും ചെയ്യും. ഏതു മഹാസഖ്യത്തെയും എഎപി പിന്തുണയ്ക്കും. ഈ തെരഞ്ഞെടുപ്പ് രാജ്യത്തെയും ഭരണഘടനയെയും സംരക്ഷിക്കാനാണ്. ഞങ്ങള് ആദ്യം ഇന്ത്യക്കാരാണ്. മുസ്ലിം, ഹിന്ദു എന്നത് അതിനുശേഷമേ വരൂ- ഡല്ഹിയില് ആം ആദ്മി പാര്ട്ടിയുടെ തെരഞ്ഞെടുപ്പ് പ്രകടന പത്രിക പുറത്തിറക്കുന്ന ചടങ്ങില് കേരിവാള് പറഞ്ഞു.
നേരത്തെ, ഡല്ഹിയില് കോണ്ഗ്രസും ആം ആദ്മി പാര്ട്ടിയും സഖ്യത്തിനു ശ്രമിച്ചെങ്കിലും സാധ്യമായിരുന്നില്ല. ആം ആദ്മിയുമായി സഖ്യത്തിന് കോണ്ഗ്രസ് തയാറാണെന്ന് രാഹുല് ഗാന്ധി നേരത്തെ ട്വിറ്ററിലൂടെ പ്രഖ്യാപിച്ചിരുന്നു. സഖ്യ ചര്ച്ചകള് അലസിയതോടെ ഇരു പാര്ട്ടികളും സ്ഥാനാര്ഥികളെ പ്രഖ്യാപിച്ചുകഴിഞ്ഞു. മേയ് പന്ത്രണ്ടിനാണ് ഡല്ഹിയില് തെരഞ്ഞെടുപ്പ്.