കൊച്ചി: കേരളത്തിലെ എല്പി, യുപി ക്ലാസ്സുകളുടെ ഘടനയില് മാറ്റം വരുത്തണമെന്ന് ആവശ്യപ്പെട്ടുള്ള ഹര്ജികളില് അനുകൂല ഉത്തരവ് പുറപ്പെടുവിച്ച് ഹൈക്കോടതി. കേന്ദ്ര വിദ്യാഭ്യാസ അവകാശ നിയമം അനുസരിച്ച് കേരള വിദ്യാഭ്യാസ ഘടനയിലും മാറ്റം വരുത്തണമെന്ന് ആവശ്യപ്പെട്ടായിരുന്നു ഹര്ജികള്. ജസ്റ്റിസ് ചിതംബരേഷ് അടക്കമുള്ള മൂന്നംഗ ബഞ്ചാണ് വിധി പുറപ്പെടുവിച്ചത്.
കേരള വിദ്യാഭ്യാസ ചട്ട പ്രകാരം ഒന്ന് മുതല് നാലുവരെയുള്ള ക്ലാസ്സുകളാണ് എല്പി ക്ലാസ്സുകളായി പരിഗണിക്കുന്നത്. ഈ ഘടനയില് മാറ്റം വരുത്തണമെന്നാണ് ഹൈക്കോടതി വിധി. ഇതോടെ കേരളത്തിലെ പ്രാഥമിക വിദ്യാഭ്യാസ ഘടന മാറും.
ഒരുവയസുമുതല് പതിനാല് വയസുവരെയുള്ള കുട്ടികള്ക്ക് പ്രാഥമിക വിദ്യാഭ്യാസം അവകാശമാക്കികൊണ്ടുള്ള വിദ്യാഭ്യാസ അവകാശ നിയമം 2009 ലാണ് കേന്ദ്രസര്ക്കാര് പുറപ്പെടുവിച്ചത്. ഇതില് എല്പി ക്ലാസുകള് ഒന്നുമുതല് അഞ്ച് വരെയും യു പി ക്ലാസുകള് ആറ് മുതല് എട്ടുവരെയും പരിഗണിക്കണമെന്നാണ് ഉള്ളത്. എന്നാല് 2009 ലെ വിദ്യാഭ്യാസ അവകാശ നിയമ പ്രകാരമുള്ള ഘടനാമാറ്റം സംസ്ഥാനത്ത് ഇതുവരെ വരുത്തിയിരുന്നില്ല. ഈ ഘടനയില് മാറ്റം വരുത്തണമെന്ന ഹര്ജികളാണ് ഹൈക്കോടതിയുടെ അനുകൂല ഉത്തരവ്.