ന്യൂഡല്ഹി: ബാബരി മസ്ജിദ് കേസില് എല്.കെ അദ്വാനി ഉള്പ്പെടെയുള്ള ബിജെപി നേതാക്കള് നേരിട്ട് ഹാജരാകണമെന്ന് സി.ബി.െഎ പ്രത്യേക കോടതി ഉത്തരവിട്ടു.
അദ്വാനി, ഉമാ ഭാരതി, വിനയ് കത്യാര് എന്നിവരും കേസിലുള്പ്പെട്ട മറ്റ് ബി.ജെ.പി നേതാക്കളും വെള്ളിയാഴ്ച കോടതിക്കു മുന്നില് ഹാജരാകണമെന്നാണ് ഉത്തരവ്. നേരിട്ട് ഹാജരാകുന്നതില് നിന്ന്ഒഴിവാക്കണമെന്ന് ആവശ്യപ്പെട്ട് പ്രതികള് നേരത്തെ അപേക്ഷ നല്കിയിരുന്നു.
ഇവര്ക്കെതിരായ ഗൂഢാലോചനക്കുറ്റം പുനഃസ്ഥാപിക്കാന് സുപ്രീംകോടതി കഴിഞ്ഞമാസം നിര്ദേശം നല്കിയിരുന്നു. ഇതിനു പിറകെയാണ് കേസില് വാദം കേള്ക്കുന്ന പ്രത്യേക സി.ബി.െഎ കോടതി പുതിയ വകുപ്പുകള് കൂടി ചേര്ക്കാന് ഒരുങ്ങുന്നത്.
ബുധനാഴ്ച വാദം കേള്ക്കല് പുനരാരംഭിച്ച കോടതി ശിവസേന എം.പി സതീഷ് പ്രധാന് ജാമ്യം അനുവദിച്ചു. കോടതിയില് കീഴടങ്ങിയ പ്രധാനെ ജുഡീഷ്യല് കസ്റ്റഡിയില് വിട്ട ശേഷമാണ് ജാമ്യം നല്കിയത്. ശനിയാഴ്ചയും തിങ്കളാഴ്ചയും ഹാജരാകാതിരുന്ന ശിവസേന നേതാവ് ബുധനാഴ്ച കീഴടങ്ങിയ ഉടന് നല്കിയ ജാമ്യാപേക്ഷ പരിഗണിച്ചാണ് നടപടി. മഹാരാഷ്ട്രയിലെ താനെ നഗരസഭ മുന് മേയറായ പ്രധാന് 1992നുശേഷം രണ്ടുതവണ രാജ്യസഭയിലും പാര്ട്ടിയെ പ്രതിനിധാനം ചെയ്തിട്ടുണ്ട്.