തിരുവനന്തപുരം: കൊലയാളി സംഘങ്ങളെ ഉപയോഗിച്ച്‌​ സി.പി.എം നടത്തിയ കൊലപാതകങ്ങളുടെ അതേശൈലിയിലാണ്​ ഷുഹൈബിനെയും കൊലപ്പെടുത്തിയതെന്ന്​ പ്രതിപക്ഷ നേതാവ്​ രമേശ്​ ചെന്നിത്തല. സി.പി.എം നേതൃത്വം അറിഞ്ഞുകൊണ്ടുള്ള കൊലപാതകമാണിത്​. ഷു​ൈഹബി​​​െന്‍റ കൊലപാതകത്തിന്​ മുമ്ബ്​ നിരവധി കൊലയാളി സംഘങ്ങളെ ജയിലില്‍ നിന്നിറക്കിയെന്നും കൊലപാതകത്തില്‍ ഇവരുടെ പങ്ക്​ അന്വേഷിക്കണമെന്നും ചെന്നിത്തല ആവശ്യപ്പെട്ടു.

ടി.പി ചന്ദ്രശേഖരന്‍ വധക്കേസില്‍ പ്രതികളായ അനൂപ്​, ​െകാടി സുനി, പി.കെ രജീഷ്​ ഉള്‍പ്പെടെ സി.പി.എം പ്രവര്‍ത്തകരായ 19 പ്രതികള്‍ക്കാണ്​ പരോള്‍ നല്‍കിയ​ത്​. ജനുവരി 16, 22, 23, 24 തീയതികളില്‍ വിവിധ കൊലക്കേസ് പ്രതികള്‍ക്ക് പരോള്‍ നീട്ടി ലഭിക്കുകയും ചെയ്തു. ഇതി​​​െന്‍റ തെളിവുകളും ചെന്നിത്തല പുറത്തുവിട്ടു. ഇൗ പരോള്‍ സംശയാസ്​പദമാണെന്നും ചെന്നിത്തല ആരോപിച്ചു.

മുഖ്യമന്ത്രിയുടെ മൗനം കൊലയാളികള്‍ക്ക്​ പ്രോത്​സാഹനം നല്‍കുന്നതാണ്​. പൊലീസ് കള്ളക്കളി നടത്തുന്നു. മൂന്ന് ദിവസം കഴിഞ്ഞിട്ടും പ്രതികളെ അറസ്റ്റ് ചെയ്യുന്നില്ല. ഷുഹൈബി​​​െന്‍റ കുടുംബത്തി​​​െന്‍റ മൊഴിയെടുത്തില്ല. ആ​ക്രമണം കഴിഞ്ഞ്​ ഒന്നര മണിക്കൂറിനു ശേഷമാണ്​ വാഹന പരിശോധന പോലും നടത്തുന്നത്​. ഡമ്മി പ്രതികള്‍ക്ക്​ വേണ്ടിയാണ്​ പൊലീസ്​ കാത്തിരിക്കുന്നത്​. കൊലയാളിക​െള സംരക്ഷിക്കാനാണ്​ മുഖ്യമന്ത്രിക്ക്​ താത്​പര്യം. കൊലപാതകത്തില്‍ ​സി.പി.എമ്മി​​​െന്‍റ പ്രാദേശിക നേതൃത്വത്തെ ചോദ്യം ചെയ്യണമെന്നും രമേശ്​ ചെന്നിത്തല ആവശ്യപ്പെട്ടു.