ന്യൂഡല്ഹി: രാജ്യസഭ സീറ്റിനെ ചൊല്ലി കോണ്ഗ്രസില് പ്രതിസന്ധി പുകയുന്നു. തനിക്ക് സീറ്റ് നിര്ബന്ധമില്ലെന്ന് പി.ജെ. കുര്യന് വ്യക്തമാക്കിയെങ്കിലും സീറ്റ് വേണമെന്നാവശ്യപ്പെട്ട് കേരള കോണ്ഗ്രസ്(മാണി) വിഭാഗം രംഗത്തെത്തിയതാണ് ഇപ്പോഴത്തെ പ്രതിസന്ധിക്ക് കാരണം. മാണിയുടെ ആവശ്യത്തിന് മുസ്ലിം ലീഗിെന്റ ശക്തമായ പിന്തുണയുമുണ്ട്.
സീറ്റ് കേരള കോണ്ഗ്രസിന് വിട്ടു നല്കില്ലെന്നും കോണ്ഗ്രസിനു തന്നെയാണെന്നും എ.െഎ.സി.സി ജനറല് സെക്രട്ടറിയും കേരളത്തിലെ മുതിര്ന്ന കോണ്ഗ്രസ് നേതാവുമായ ഉമ്മന്ചാണ്ടി വ്യക്തമാക്കിയിരുന്നു. മുന്നണിക്കു വേണ്ടി കോണ്ഗ്രസ് വിട്ടുവീഴ്ചക്ക് തയ്യാറാവണമെന്ന നിലപാടാണ് മുസ്ലിം ലീഗിനുള്ളത്. പ്രശ്നം തുടരുമ്ബോഴും അന്തിമ തീരുമാനം ഇന്നു തന്നെ കൈക്കൊള്ളുമെന്ന് രമേശ് ചെന്നിത്തലയും വ്യക്തമാക്കുന്നു.
സീറ്റു സംബന്ധിച്ച് ഡല്ഹിയില് തിരക്കിട്ട ചര്ച്ചകള് നടക്കുകയാണ്. സീറ്റ് മാണിക്ക് നല്കരുതെന്ന് മുന് കെ.പി.സി.സി പ്രസിഡന്റ് വി.എം. സുധീരന് രമേശ് ചെന്നിത്തലയേയും എം.എം. ഹസ്സനേയും ഫോണില് വിളിച്ച് നിലപാടറിയിച്ചിട്ടുണ്ട്. പന്ത് രാഹുല് ഗാന്ധിയുടെ കോര്ട്ടിലേക്ക് തട്ടാനാണ് നേതാക്കള് ഉദ്ദേശിക്കുന്നത്. ഇന്ന് ൈവകുന്നേരം അഞ്ചു മണിക്കാണ് രാഹുല് ഗാന്ധിയുമായുള്ള കൂടിക്കാഴ്ച. ഇൗ കൂടിക്കാഴ്ചയില് കുഞ്ഞാലിക്കുട്ടിയും പെങ്കടുത്തേക്കും.
അതേസമയം രാജ്യസഭാ സീറ്റിലേക്ക് പരിഗണിക്കേണ്ട നേതാക്കളുടെ പട്ടിക സഹിതം രാഹുല് ഗാന്ധിക്ക് പി.ജെ. കുര്യന് കത്തു നല്കിയിരുന്നു. എം.എം. ഹസ്സന്, രാജ്മോഹന് ഉണ്ണിത്താന്, വി.എം. സുധീരന്, പി.സി. ചാക്കോ, പി.സി. വിഷ്ണുനാഥ്, ഷാനിമോള് ഉസ്മാന് എന്നിവരില് ആരെയെങ്കിലും പരിഗണിക്കാമെന്നാണ് പി.ജെ. കുര്യന് കത്തില് വ്യക്തമാക്കിയത്. മാണിക്ക് സീറ്റ് നല്കരുതെന്നും കത്തില് പ്രത്യേകം പറഞ്ഞിരുന്നു.