തിരുവനന്തപുരം: രാമായണമാസം ആചരിക്കാനുള്ള കോണ്ഗ്രസ് തീരുമാനത്തിനെതിരെ കെ മുരളീധരന് രംഗത്ത്. കോണ്ഗ്രസ് രാമായണമാസം ആചരിക്കുന്നതു ശരിയല്ലെന്നും, നാലു വോട്ടുകള് കിട്ടാന് ദൈവങ്ങളെ ഉപയോഗിക്കരുതെന്നും അദ്ദേഹം കൂട്ടിച്ചേര്ത്തു. ബിജെപിയെ നേരിടാന് ഇതല്ല മാര്ഗം. രാഷ്ട്രീയകാര്യ സമിതിയിലോ നിര്വാഹക സമിതിയിലോ തീരുമാനമെടുത്തിട്ടില്ല.
വിശ്വാസികളും അല്ലാത്തവരും പാര്ട്ടിയില് ഉണ്ടെന്നും മുരളീധരന് വ്യക്തമാക്കി. രാമായണമാസം ആചരിക്കുന്നതിനു സിപിഎമ്മും ബിജെപിയും തുടക്കമിട്ടതിനു പിന്നാലെയാണു കോണ്ഗ്രസും രംഗത്തെത്തിയത്. ‘രാമായണം നമ്മുടേതാണ്, നാടിന്റെ നന്മയാണ്’ എന്ന പേരില് കെപിസിസി വിചാര് വിഭാഗിന്റെ നേതൃത്വത്തിലാണ് പരിപാടി സംഘടിപ്പിക്കുന്നത്.
കര്ക്കടക മാസം ഒന്നിന് തൈക്കാട് ഗാന്ധിഭവനില് രാമായണത്തിന്റെ ‘കോണ്ഗ്രസ് പാരായണം’ ഉദ്ഘാടനം ചെയ്യുന്ന ചടങ്ങില് ശശി തരൂര് എംപിയാണു മുഖ്യപ്രഭാഷണം നടത്തുന്നത്. പ്രതിപക്ഷ നേതാവ് രമേശ് ചെന്നിത്തല ഉദ്ഘാടകനാകും. രാമായണത്തിന്റെ രാഷ്ട്രീയവും സാഹിത്യപരവുമായ പ്രാധാന്യത്തില് ഊന്നിയുള്ള പരിപാടികള് സംഘടിപ്പിക്കുന്നതിനാണു നീക്കം.