കണ്ണൂര്: സംസ്ഥാനത്ത് എലിപ്പനി പടരാതിരിക്കാനുള്ള എല്ലാ മുന്കരുതലുകളും സ്വീകരിച്ച് വരുന്നതായി ആരോഗ്യമന്ത്രി കെ.കെ.ശൈലജ. എലിപ്പനി പടരാതിരിക്കുന്നതിന് ജനങ്ങള് പ്രതിരോധ ഗുളിക നിര്ബന്ധമായും കഴിക്കണം.
എലിപ്പനിയുടെ ലക്ഷണങ്ങളുമായി വരുന്ന രോഗികള്ക്ക് പരിശോധിച്ച് എലിപ്പനിയാണെന്ന് സ്ഥിരീകരിക്കാന് കാത്തുനില്ക്കാതെ ഡോക്സിസൈക്ലിന് ഗുളിക നല്കാന് എല്ലാ ഡോക്ടര്മാര്ക്കും നിര്ദേശം നല്കിയതായും മന്ത്രി പറഞ്ഞു. പ്രളയബാധിത മേഖലയിലുള്ളവരും ഏതെങ്കിലും വിധത്തില് ഈ മേഖലകളോടു ബന്ധപ്പെട്ടവരും കടുത്ത ജാഗ്രത പുലര്ത്തണം.
തിരുവനന്തപുരം, കോഴിക്കോട് ,പാലക്കാട്, മലപ്പുറം ജില്ലകളിലാണ് എലിപ്പനി ഏറ്റവും കൂടുതല് റിപ്പോര്ട്ട് ചെയ്തിരിക്കുന്നത്. പലരും എലിപ്പനി പ്രതിരോധ മരുന്ന് കഴിക്കാത്തതിനാല് രോഗം കൂടുതല് റിപ്പോര്ട്ട് ചെയ്യാന് സാധ്യത ഉണ്ടെന്നും ഡോക്ടര്മാര് ചൂണ്ടിക്കാണിക്കുന്നു.
എലിപ്പനി ബാധയെ കുറിച്ച് ഭീതി വേണ്ട. എല്ലാ വര്ഷവും സംസ്ഥാനത്ത് എലിപ്പനി റിപ്പോര്ട്ട് ചെയ്യപ്പെടാറുണ്ട്. പ്രളയത്തിന് മുമ്ബും ഇതുണ്ടായിട്ടുണ്ടെന്നും മന്ത്രി പറഞ്ഞു.