ഡല്ഹി : കഴിഞ്ഞ ദിവസം ബംഗാള് മുഖ്യമന്ത്രി മമതാ ബാനര്ജിയുടെ ഫോട്ടോ മോര്ഫ് ചെയ്ത് ഫേസ്ബുക്കിലൂടെ പ്രചരിപ്പിച്ച കേസില് യുവമോര്ച്ച ഹൗറ കണ്വീനര് പ്രിയങ്ക ശര്മയ്ക്ക് സുപ്രീംകോടതി ജാമ്യം നല്കി. ഈ അശ്ളീല സംഭവത്തില് മമതയോട് പ്രിയങ്ക ശര്മ മാപ്പ് പറയണമെന്ന് സുപ്രീംകോടതി ആവശ്യപ്പെട്ടു. അഭിപ്രായ സ്വാതന്ത്ര്യത്തിനുള്ള അവകാശം മറ്റൊരാളുടെ അവകാശത്തിന് എതിരാകരുതെന്ന് കോടതി ശാസിച്ചു .
ആഗോള ഫാഷന് ഉത്സവമായ മെറ്റ് ഗാലയില് പ്രിയങ്ക ചോപ്ര പങ്കെടുത്ത ചിത്രത്തില് മമതയുടെ മുഖം മോര്ഫ് ചെയ്ത് പ്രിയങ്ക ശര്മ ഫേസ് ബുക്കില് പോസ്റ്റ് ചെയ്യുകയായിരുന്നു. മുഖ്യമന്ത്രിയെ അധിക്ഷേപിച്ചെന്ന് കാട്ടി തൃണമൂല് നേതാവ് വിഭാസ് ഹസ്ര നല്കിയ പരാതിയില് പൊലീസ് പ്രിയങ്ക ശര്മയെ അറസ്റ്റ് ചെയ്തു. ഇത് ചോദ്യം ചെയ്താണ് പ്രിയങ്ക ശര്മ സുപ്രീംകോടതിയെ സമീപിച്ചത്. സംഭവത്തില് ബിജെപി മമതയെ മാത്രമല്ല ബംഗാളിന്റെ സംസ്കാരത്തെ തന്നെയാണ് അപമാനിച്ചെന്ന് തൃണമൂല് കോണ്ഗ്രസ് ആരോപിച്ചു.