നി ര്ധനയായ ഹിന്ദു പെണ്കുട്ടിയുടെ വിവാഹം നടത്താന് മുന്കൈയെടുത്ത് ജമാഅത്ത് കമ്മിറ്റി. കായംകുളം ചേരാവള്ളി മുസ്ലിം ജമാഅത്താണ് മതമൈത്രിയുടെ മനുഷ്യത്വം തുളുമ്ബുന്ന മാതൃക കാട്ടിയിരിക്കുന്നത്.
പെണ്കുട്ടിയുടെ മാതാവിന്റെ അഭ്യര്ത്ഥന പ്രകാരം വിവാഹം നടത്തിക്കൊടുക്കാമെന്ന് പള്ളി കമ്മിറ്റി വാക്കുകൊടുക്കുകയായിരുന്നു. കായംകുളം ചേരവള്ളി ക്ഷേത്രത്തിന് സമീപം താമസിക്കുന്ന പരേതനായ അശോകന്റെയും ബിന്ദുവിന്റെയും മകള് അഞ്ജുവിന്റെ വിവാഹമാണ് പള്ളി കമ്മിറ്റി ആഘോഷപൂര്വം നടത്താന് പോകുന്നത്.
ജനുവരി 19 ഞായറാഴ്ചയാണ് വിവാഹം. കാപ്പില് സ്വദേശി ശരത് ശശിയാണ് അഞ്ജുവിന്റെ വരനായി എത്തുന്നത്. വിവാഹ ചടങ്ങിന് ക്ഷണക്കത്തും പള്ളി കമ്മിറ്റി തന്നെ ഇറക്കി. പ്രതിപക്ഷ നേതാവ് രമേശ് ചെന്നിത്തല ഉള്പ്പെടെയുള്ള പ്രമുഖ നേതാക്കള് വിവാഹത്തില് പങ്കെടുക്കും.