തിരുവനന്തപുരം: പുതുതായി രണ്ടുപേര്ക്കുകൂടി കോവിഡ് ബാധ സ്ഥിരീകരിച്ചതോടെ കര്ശന നടപടികളുമായി സര്ക്കാര്. ആരോഗ്യ അടിയന്തരാവസ്ഥ പ്രഖ്യാപിക്കേണ്ട സാഹചര്യമാണുള്ളതെന്ന് മന്ത്രിസഭാ തീരുമാനം വിശദീകരിക്കവേ മുഖ്യമന്ത്രി വാര്ത്താസമ്മേളനത്തില് പറഞ്ഞു.
ഏഴാം ക്ലാസുവരെ പരീക്ഷ നടത്തില്ല. സി.ബി.എസ്.ഇ ഉള്പ്പെടെ എല്ലാ സ്കൂളുകള്ക്കും കോളജ്, മദ്റസ, അംഗന്വാടി, പ്രഫഷനല് വിദ്യാഭ്യാസ സ്ഥാപനങ്ങള്, തിയേറ്റര് എന്നിവ മാര്ച്ച് 31 വരെ അടച്ചിടും. എല്ലാ വിഭാഗങ്ങളുടെയും ഉത്സവങ്ങള് ഒഴിവാക്കണം. ജനങ്ങളുടെ കൂടിച്ചേരലില് നിന്ന് വിട്ടുനില്ക്കണമെന്നും മുഖ്യമന്ത്രി അറിയിച്ചു.
പ്രധാന തീരുമാനങ്ങള്:
1. ഏഴാം ക്ലാസുവരെ പരീക്ഷയില്ല. 2. എട്ട് മുതല് അതീവ സുരക്ഷാ മുന്കരുതലോടെ പരീക്ഷ
3. സി.ബി.എസ്.ഇ ഉള്പ്പെടെ എല്ലാ സ്കൂളുകള്ക്കും കോളജ്, മദ്റസ, അംഗന്വാടി, പ്രഫഷനല് വിദ്യാഭ്യാസ സ്ഥാപനങ്ങള് എന്നിവ മാര്ച്ച് 31 വരെ അടച്ചിടും.
4. രോഗ ലക്ഷണങ്ങളുള്ളവരെ പരീക്ഷ എഴുതിക്കില്ല.
5. ട്യൂഷന്, സ്പെഷല് ക്ലാസുകള് തുടങ്ങിയവക്കും മാര്ച്ച് 31 വരെ അവധി
6. എല്ലാ വിഭാഗങ്ങളുടെയും ഉത്സവങ്ങള് ഒഴിവാക്കണം. ജനങ്ങളുടെ കൂടിച്ചേരല് അപകടം സൃഷ്ടിക്കും.
7. കലാ സാംസ്കാരിക പരിപാടികള് ഒഴിവാക്കുക.
8. സര്ക്കാര് ഓഫിസുകളില് രോഗബാധ നിയന്ത്രിക്കാന് മുന്കരുതലെടുക്കും.
7. വിവാഹം ചടങ്ങുകള് മാത്രമായി നടത്തുക.
8. ശബരിമലയില് നിത്യപൂജ മാത്രം നടത്തുക. ദര്ശനത്തിന് പോകുന്നത് ഒഴിവാക്കുക.