കൊച്ചി: കോവിഡിന്റെ പശ്ചാത്തലത്തില് സര്ക്കാര് ജീവനക്കാരുടെ ശമ്ബളം പിടിക്കാനുളള ഉത്തരവിനെതിരെ ഹൈക്കോടതിയില് ഹര്ജി. പ്രതിപക്ഷ സര്വീസ് സംഘടനകളാണ് ഹൈക്കോടതിയെ സമീപിച്ചിരിക്കുന്നത്.
അഞ്ച് മാസം കൊണ്ട് 30 ദിവസത്തെ ശമ്ബളം പിടിക്കാനുളള ഉത്തരവ് അശാസ്ത്രീയമാണെന്നും തീരുമാനം റദ്ദാക്കണമെന്നും ആവശ്യപ്പെട്ടാണ് എയ്ഡഡ് സ്കൂള് അധ്യാപകരുടെയും കെഎസ്ഇബി, കെഎസ്ആര്ടിസി ജീവനക്കാരുടെയും സംഘടനകള് ഹൈക്കോടതിയില് എത്തിയിരിക്കുന്നത്.
ഏപ്രില് 24ന് സര്ക്കാര് പുറത്തിറക്കിയ ഉത്തരവില് ഏപ്രില് മുതല് സെപ്റ്റംബര് വരെയുള്ള മാസങ്ങളില് സര്ക്കാര് ഉദ്യോഗസ്ഥരുടെ ആറു ദിവസത്തെ വേതനം മാറ്റിവെക്കുമെന്നാണ് പറഞ്ഞിരിക്കുന്നത്. മാറ്റിവെക്കുന്നു എന്നാണ് പറയുന്നതെങ്കിലും ഇത് എന്ന് തിരികെ തരുമെന്ന് ഉത്തരവില് വ്യക്തമാക്കിയിട്ടില്ല. അതിനാല്, മാറ്റിവെയ്ക്കല് യഥാര്ത്ഥത്തില് വെട്ടിക്കുറയ്ക്കലായി മാറുന്നെന്ന് ഹര്ജിയില് ആരോപിക്കുന്നു.