കുവൈത്ത് സിറ്റി: ഇന്ത്യയില് അവധിക്ക് പോയി തിരിച്ചുവരാന് കഴിയാതെ കുടുങ്ങിയ നഴ്സുമാരില് 116 പേരെ തിരിച്ചെത്തിച്ചു. ഇതുവരെ 400 ആരോഗ്യ പ്രവര്ത്തകരെ ഇത്തരത്തില് പ്രത്യേകമായി കൊണ്ടുവന്നു. അടുത്ത ബാച്ച് വരും ദിവസങ്ങളില് എത്തുമെന്ന് ആരോഗ്യ മന്ത്രാലയ വൃത്തങ്ങള് പറഞ്ഞു. കോവിഡ് പരിശോധനക്ക് സ്വാബ് എടുത്ത ശേഷം ഇവരെ വീട്ടുനിരീക്ഷണത്തിന് വിട്ടു.
അവധിക്കുപോയി സ്വന്തം നാടുകളില് കുടുങ്ങിയ നഴ്സുമാരും ഡോക്ടര്മാരും ഉള്പ്പടെ അഞ്ഞൂറോളം ജീവനക്കാരുടെ പേര് വിവരങ്ങള് കഴിഞ്ഞ ആഴ്ച മന്ത്രിസഭക്ക് കൈമാറിയിരുന്നു. ഇതിലെ ഒരു ബാച്ച് ആണ് ഇപ്പോള് തിരികെയെത്തിയത്. വിദേശകാര്യ മന്ത്രാലയത്തിെന്റയും, വ്യോമയാന വകുപ്പിെന്റയും സഹായത്തോടെ തങ്ങളുടെ ജീവനക്കാരെ തിരികെ എത്തിക്കാനാണ് ആരോഗ്യമന്ത്രാലയം ശ്രമിക്കുന്നത്.
കുവൈത്തിലേക്ക് നേരിട്ട് വരാന് വിലക്കുള്ള ഇന്ത്യ ഉള്പ്പെടെയുള്ള രാജ്യങ്ങളില് ആണ് ഭൂരിഭാഗം ആരോഗ്യപ്രവര്ത്തകരും കുടുങ്ങികിടക്കുന്നത്. വിവിധ മന്ത്രാലയങ്ങളില് അത്യാവശ്യമുള്ള വിദേശിജീവനക്കാരെ അടിയന്തരമായി തിരിച്ചുകൊണ്ടുവരാന് സര്ക്കാര് തലത്തില് തന്നെ നീക്കം ആരംഭിച്ചിട്ടുണ്ട്. ഇതിെന്റ ഭാഗമായി വിവിധ മന്ത്രാലയങ്ങളോടും വകുപ്പുകളോടും നാട്ടില് കുടുങ്ങിയ ജീവനക്കാരുടെ മുന്ഗണനാടിസ്ഥാനത്തിലുള്ള പട്ടിക തയാറാക്കാന് നിര്ദേശം നല്കിയിരുന്നു. കുവൈത്തില്നിന്ന് അവധിക്കുപോയി തിരിച്ചുവരാന് സാധിക്കാത്ത പ്രവാസികളുടെ രജിസ്ട്രേഷന് വേണ്ടി പ്രത്യേക വെബ്സൈറ്റ് അണിയറയില് ഒരുങ്ങുന്നുണ്ട്. കുവൈത്തിലേക്ക് വിമാനസര്വീസിന് വിലക്കുള്ള രാജ്യങ്ങളില് കുടുങ്ങി കിടക്കുന്നവര്ക്ക് വെബ്സൈറ്റ് വഴി രജിസ്ട്രേഷന് നടത്താം. മുന്ഗണനാക്രമം അനുസരിച്ചു ഇവരെ തിരികെ എത്തിക്കാനുള്ള നടപടികള് ആണ് പരിഗണിക്കുന്നത്.