കോഴിക്കോട്: സിറ്റി സര്വിസ് കോഓപറേറ്റിവ് ബാങ്ക് കല്ലായി റോഡ് ശാഖയില്നിന്ന് വ്യാജരേഖയുണ്ടാക്കിയും ആള്മാറാട്ടം നടത്തിയും 26 ലക്ഷം രൂപ തട്ടിയെടുത്ത കേസില് രണ്ടുപേര് അറസ്റ്റില്. കടലുണ്ടി സുമതി നിവാസില് കെ.പി. പ്രദീപന്, മൊടക്കല്ലൂര് പാലക്കല് വീട്ടില് സിജുലാല് എന്നിവരാണ് അറസ്റ്റിലായത്.
2013ലാണ് സംഭവം. സിജുലാലിെന്റ ബന്ധുവിെന്റ ഭൂമി പണയംെവച്ചതെന്ന കാര്യം മറച്ചുവെച്ച് വ്യാജരേഖയുണ്ടാക്കി സിറ്റി സര്വിസ് ബാങ്കില് വെച്ച് 26 ലക്ഷം രൂപ വായ്പ എടുത്തു എന്നാണ് കേസ്. ബാങ്കിെന്റ പരാതിയില് ടൗണ് പൊലീസ് നടത്തിയ അന്വേഷണത്തിലാണ് അറസ്റ്റ്. ഒളിവിലായിരുന്ന സിജുലാലിനെ കൂത്തുപറമ്ബില് വെച്ചും പ്രദീപനെ കടലുണ്ടിയില് വെച്ചുമാണ് പിടികൂടിയത്.
കേസില് കൂടുതല് പേര് ഉള്പ്പെട്ടിട്ടുണ്ടോ എന്ന കാര്യവും അന്വേഷിക്കുന്നുണ്ട്. ടൗണ് എസ്.എച്ച്.ഒ ഉമേഷിെന്റ നേതൃത്വത്തിലുള്ള സംഘമാണ് അറസ്റ്റ് ചെയ്തത്. പ്രതികളെ റിമാന്ഡ് ചെയ്തു.