പരിശോധനകളില് മറ്റ് വകഭേദങ്ങള് കണ്ടെത്തിയിട്ടില്ല. കോവിഡിനോടൊപ്പം ജീവിക്കുക എന്നതാണ് പ്രധാനമെന്ന് അദ്ദേഹം പറഞ്ഞു. എല്ലാവരും മാസ്ക് നിര്ബന്ധമായും ധരിക്കുക. കിടപ്പ് രോഗികള്, വയോജനങ്ങള് എന്നിവരെ സംരക്ഷിക്കാനുള്ള പ്രവര്ത്തനങ്ങള് നടത്തണം. രണ്ടാം ഡോസ് വാക്സിന് എടുക്കാനുള്ളവരും പ്രിക്കോഷന് ഡോസ് എടുക്കാനുള്ളവരും അതെടുക്കേണ്ടതാണെന്നും ആരോഗ്യ പ്രവര്ത്തകര് നിര്ബന്ധമായും പ്രിക്കോഷന് ഡോസ് എടുക്കണം. സംസ്ഥാനത്തെ കോവിഡ് സ്ഥിതി വിലയിരുത്താന് യോഗം ചേര്ന്നു. വളരെ ശക്തമായ ബോധവത്ക്കരണം നടത്തണമെന്നും നിര്ദേശിച്ചുവെന്ന് മന്ത്രി പറഞ്ഞു.
എറണാകുളം, തിരുവനന്തപുരം, കോട്ടയം ജില്ലകളിലാണ് കോവിഡ് കേസുകള് കൂടുതല്. ആ ജില്ലകള് പ്രത്യേകം ശ്രദ്ധിക്കണം. രോഗലക്ഷണങ്ങളുള്ളവര് പരിശോധന നടത്തണം. കോവിഡ് കുറഞ്ഞതോടെ പലരും രണ്ടാം ഡോസ് വാക്സിനും പ്രിക്കോഷന് ഡോസും എടുക്കാന് വിമുഖത കാണിക്കുന്നുണ്ട്. അത് ആപത്തുണ്ടാക്കാം. രണ്ട് ഡോസ് വാക്സിനും പ്രിക്കോഷന് ഡോസും കൃത്യമായ ഇടവേളകളില് എടുത്താല് മാത്രമേ ഫലം ലഭിക്കൂ. കോവിഡ് മരണം സംഭവിക്കുന്നവരില് വാക്സിനെടുക്കാത്തവരുടെയും അനുബന്ധ രോഗങ്ങളുള്ളവരുടേയും എണ്ണം കൂടുതലായി കാണുന്നു എന്നാണ് വിലയിരുത്തല്. അനുബന്ധ രോഗങ്ങളുള്ളവര്ക്ക് കോവിഡ് രോഗ ലക്ഷണങ്ങളുണ്ടെങ്കില് ഉടന് തന്നെ കോവിഡ് പരിശോധന നടത്തി ചികിത്സ തേടേണ്ടതാണ്. പ്രദേശികമായി വാക്സിന് എടുക്കാത്തവരുടെ കണക്ക് ശേഖരിക്കാനും വാക്സിന് എടുക്കുന്നു എന്നുറപ്പാക്കാനും ഫീല്ഡ് വര്ക്കര്മാരെ ചുമതലപ്പെടുത്തുമെന്നും മന്ത്രി പറഞ്ഞു.
എല്ലാ കുട്ടികള്ക്കും വാക്സിന് ഉറപ്പാക്കുമെന്നും സ്കൂള് തുറന്ന സാഹചര്യത്തില് എല്ലാ കുട്ടികള്ക്കും വാക്സിനെടുക്കാനുള്ള നടപടികള് വിദ്യാഭ്യാസ വകുപ്പുമായി ആലോചിച്ച് നടപ്പിലാക്കുന്നതാണെന്നും മന്ത്രി പറഞ്ഞു. .