കൊച്ചി • ജിഷ വധക്കേസില് തുടരന്വേഷണം ആവശ്യപ്പെട്ട് ജിഷയുടെ പിതാവ് പാപ്പു കോടതിയിലെ സമീപിച്ചു. കേസില് വിചാരണ ബുധനാഴ്ച ആരംഭിക്കാനിരിക്കെയാണ് എറണാകുളം പ്രിന്സിപ്പല് സെഷന്സ് കോടതിയില് പാപ്പു ഹര്ജി നല്കിയത്. ഹര്ജി ഫയലില് സ്വീകരിച്ച് കോടതി നാളെ വാദം കേള്ക്കും.
ജിഷ വധക്കേസിലെ അന്വേഷണ സംഘത്തിന്റെ കണ്ടെത്തലുകള് പലതും വാസ്തവിരുദ്ധമാണെന്നാണ് ഹര്ജിയിലെ ആരോപണം. ജിഷ കൊല്ലപ്പെട്ട സമയം സംബന്ധിച്ച് പോസ്റ്റ്മാര്ട്ടം റിപ്പോര്ട്ടിലും കുറ്റപത്രത്തിലും വൈരുദ്ധ്യമുണ്ടെന്നും ഹര്ജിയില് ചൂണ്ടിക്കാട്ടിയിട്ടുണ്ട്.
ജിഷയെ കൊലപ്പെടുത്താന് ഉപയോഗിച്ച ആയുധം കണ്ടെത്താന് അന്വേഷണ സംഘത്തിന് കഴിഞ്ഞിട്ടില്ലെന്നും പ്രതി അമീറുല് ഇസ്!ലാം ഒറ്റയ്ക്കാണ് കൊല നടത്തിയതെന്ന പൊലീസ് വാദം വിശ്വസിക്കാനാവില്ലെന്നും ഹര്ജിയില് പറയുന്നു.