തിരുവനന്തപുരം: ചികിത്സാചെലവ് കുറയ്ക്കാന് സര്ക്കാര് മുന്കൈയെടുത്തു നടപടികള് സ്വീകരിക്കുമെന്ന് മുഖ്യമന്ത്രി പിണറായി വിജയന്. ആരോഗ്യരംഗത്ത് സമഗ്രമാറ്റം ലക്ഷ്യമിട്ടുള്ള ആര്ദ്രം പദ്ധതിയുടെ സംസ്ഥാനതല ഉദ്ഘാടനം നിര്വഹിച്ചു സംസാരിക്കുകയായിരുന്നു അദ്ദേഹം.
ചികിത്സയ്ക്ക് തോന്നിയപോലെ ചെലവ് ഈടാക്കാനാവില്ല. സ്വകാര്യ ആശുപത്രികളില് ചെലവ് കൂടുന്നു. സര്ക്കാര് ആശുപത്രികളില് ന്യായമായ രീതിയില് മരുന്ന് ലഭ്യമാക്കാനുള്ള സൗകര്യം ഒരുക്കും. കിടത്തിചികിത്സയിലുള്ളവര്ക്ക് മരുന്ന് ആശുപത്രിയില്തന്നെ ലഭ്യമാക്കും. തുടര്ചികിത്സ നടത്തുന്നവര്ക്ക് വലിയ ചെലവുള്ള മരുന്ന് വാങ്ങേണ്ടിവരുന്നുണ്ട്. അത്തരക്കാര്ക്ക് ഫലപ്രദമായി, ചെലവ് കുറഞ്ഞ മരുന്നുകള് ലഭ്യ
മാക്കാനും നടപടിയുണ്ടാകും. മാര്ക്കറ്റില് ലഭ്യമാകുന്ന മരുന്നുകളേക്കാള് വിലകുറച്ച് ലഭിക്കുന്ന ജനറിക് മരുന്നുകള് ഇതിനായി വ്യാപകമാക്കുമെന്നും മുഖ്യമന്ത്രി അറിയിച്ചു.
ആരോഗ്യവകുപ്പിന് ഇന്നത്തെ സൗകര്യംവച്ചുതന്നെ കൂടുതല് കാര്യങ്ങള് നിറവേറ്റാനാകും. സ്കൂളുകള് കേന്ദ്രീകരിച്ച് കുട്ടികളെ പരിശോധിക്കാനുള്ള സംവിധാനം ഏര്പ്പെടുത്താന് സര്ക്കാര് ഉദ്ദേശിക്കുന്നുണ്ടെന്നും മുഖ്യമന്ത്രി വ്യക്തമാക്കി.