ജെസ്നയുടെ തിരോധാനം അന്വേഷിക്കണമെന്ന ഹര്ജിയില് നിലപാടറിയിക്കുന്നതിന് സിബിഐ ഓരാഴ്ച സാവകാശം തേടി. കേസ് അടുത്തയാഴ്ച പരിഗണിക്കാനായി മാറ്റി. പൊലീസ് അന്വേഷണം തൃപ്തികരമല്ലെന്നും സിബിഐ അന്വേഷിക്കണമെന്നും ആവശ്യപ്പെട്ട് ജെസ്നയുടെ സഹോദരന് ജയ്സ് ജെയിംസും കെഎസ്യു സംസ്ഥാന പ്രസിഡന്റ് കെ.എം.അഭിജിത്തും സമര്പ്പിച്ച ഹര്ജിയില് കക്ഷി ചേരാന് അനുമതി തേടി കൊച്ചിയിലെ ക്രിസ്ത്യന് അലയന്സ് ആന്റ് സോഷ്യല് ആക്ഷന് സമര്പ്പിച്ച ഹര്ജിയാണ് കോടതിയുടെ പരിഗണനയിലുള്ളത്.
ജെസ്നയെ ഇതുവരെ പൊലീസിന് കണ്ടെത്താന് കഴിഞ്ഞില്ലെന്നും ജെസ്നയെ കുറിച്ച് ചില വിവരങ്ങള് ലഭിച്ചുവെന്ന് ക്രൈംബ്രാഞ്ച് മുന് മേധാവിയും പെണ്കുട്ടി എവിടെയുണ്ടെന്ന് കണ്ടെത്തിയെന്നും ചില കാരണങ്ങളാല് വെളിപ്പെടുത്താന് ബുദ്ധിമുട്ടുണ്ടെന്ന് അന്വേഷണ ഉദ്യോഗസ്ഥനും പറഞ്ഞതായി മാധ്യമങ്ങളില് വന്ന വാര്ത്തകളുടെ അടിസ്ഥാനത്തിലാണ് ഹര്ജി.
2018 മാര്ച്ച് 22ന് എരുമേലിക്ക് സമീപം മുക്കൂട്ടുതറയില് നിന്നുമാണ് ബിരുദ വിദ്യാര്ഥിനിയായ ജെസ്നയെ കാണാതായത്. രണ്ട് വര്ഷത്തിലേറെയായി അന്വേഷണം നടക്കുന്നുണ്ടെങ്കിലും ഇതുവരെ യാതൊരു തുമ്ബും അന്വേഷണ സംഘത്തിനു ലഭിച്ചിട്ടില്ലായിരുന്നു. ജെസ്നയുടെ ഫോണ് കോളുകള് കേന്ദ്രീകരിച്ചും അന്വേഷണം നടന്നിരുന്നു. കേസന്വേഷണത്തിനായി രണ്ടുലക്ഷം ടെലിഫോണ്-മൊബൈല് നമ്ബരുകള് ശേഖരിച്ചു. 4,000 നമ്ബരുകള് സൂക്ഷ്മ പരിശോധനയ്ക്കു വിധേയമാക്കി.
ജെസ്ന എരുമേലി വരെ സ്വകാര്യ ബസില് എത്തിയതായി മൊഴിയുണ്ട്. പിന്നീട് ജെസ്നയെ ആരും കണ്ടിട്ടില്ല. ജെസ്നയെ കാണാതായ ദിവസം പിതാവ് എരുമേലി പൊലീസ് സ്റ്റേഷനിലും പിറ്റേദിവസം വെച്ചൂച്ചിറ സ്റ്റേഷനിലും പരാതി നല്കി. വീട്ടില്നിന്ന് പോകുമ്ബോള് ജെസ്ന മൊബൈല് ഫോണ് കൊണ്ടുപോയിരുന്നില്ല. വീട്ടിലുണ്ടായിരുന്ന ഫോണ് കേന്ദ്രീകരിച്ച് അന്വേഷണം നടത്തിയെങ്കിലും തെളിവു ലഭിച്ചില്ല. അന്വേഷണം മുന്നോട്ടു പോകാത്ത സാഹചര്യത്തിലാണ് തിരുവല്ല ഡിവൈഎസ്പിയുടെ നേതൃത്വത്തില് പ്രത്യേക സംഘത്തെ രൂപീകരിക്കുന്നത്.
ലോക്കല് പൊലീസ് അന്വേഷിച്ച കേസ് പിന്നീട് പ്രത്യേകസംഘവും തുടര്ന്ന് ക്രൈംബ്രാഞ്ചും ഏറ്റെടുക്കുകയായിരുന്നു. ജെസ്നയെ പറ്റി വിവരം നല്കുന്നവര്ക്ക് അഞ്ചുലക്ഷം രൂപ പാരിതോഷികം പ്രഖ്യാപിച്ചെങ്കിലും കേസില് യാതൊരു വഴിതിരിവും ഉണ്ടായില്ല. ഉദ്ദേശം അഞ്ചരയടി ഉയരവും വെളുത്തു മെലിഞ്ഞ ശരീരപ്രകൃതവുമുള്ള, കണ്ണട ധരിച്ചതും പല്ലില് കമ്ബി കെട്ടിയിട്ടുള്ളതും ചുരുണ്ട തലമുടിയുള്ളതുമായ ജെസ്ന കാണാതാകുന്ന സമയത്ത് കടുംപച്ച ടോപ്പും കറുത്ത ജീന്സുമാണ് ധരിച്ചിരുന്നത്.