കൊച്ചി: സ്വര്‍ണ്ണ വിലയില്‍ ചാഞ്ചാട്ടം തുടരുന്നു. പവന് 120 രൂപ കുറഞ്ഞ് 37800 രൂപയായി. തുടര്‍ച്ചയായ നാലു ദിവസം വില ഉയര്‍ന്നതിന് ശേഷമാണ് കുറഞ്ഞത്. ഡോളര്‍ വിലയിലുണ്ടായ വര്‍ധനവാണ് സ്വര്‍ണത്തിന്റെ വിലകുറവിന് കാരണമായത്. ദേശീയ വിപണിയില്‍ തങ്കത്തിന്റെ വിലയില്‍ ഒരുശതമാനം ഇടിവുണ്ടായിട്ടുണ്ട്.

തിരുവനന്തപുരം: ചവറ,കുട്ടനാട് ഉപതെരഞ്ഞെടുപ്പുകള്‍ നടത്തേണ്ടെന്ന് സര്‍വ്വകക്ഷി യോഗത്തില്‍ അഭിപ്രായമുയര്‍ന്നു. തദ്ദേശ തെരഞ്ഞെടുപ്പ് നീട്ടണമെന്നും യോഗത്തില്‍ ഭൂരിപക്ഷാഭിപ്രായമുയര്‍ന്നു. യോഗത്തിന്റെ തീരുമാനങ്ങള്‍ സംസ്ഥാന സര്‍ക്കാര്‍ തെരഞ്ഞെടുപ്പു കമ്മീഷനെ അറിയിക്കും.കോവിഡ് വ്യാപനവും, പുതിയ എം.എല്‍.എമാര്‍ക്ക് ഏതാനും മാസങ്ങള്‍ മാത്രമേ കാലാവധി ലഭിക്കൂ എന്നതുമാണ് ഉപതെരഞ്ഞെടുപ്പ് ഉപേക്ഷിക്കുന്നതിന് കാരണമായി യോഗത്തില്‍ പങ്കെടുത്തവര്‍ ഉയര്‍ത്തിയത്. എല്ലാ രാഷ്ട്രീയ പാര്‍ട്ടികളും ഇക്കാര്യത്തില്‍ ഏകാഭിപ്രായത്തിലെത്തി. തദ്ദേശതെരഞ്ഞെടുപ്പ് Read More …

കണ്ണൂര്‍: സംസ്ഥാനത്ത് രണ്ടാമത്തെ മന്ത്രിക്കും കോവിഡ് 19 സ്ഥിരീകരിച്ചു. വ്യവസായമന്ത്രി ഇ.പി.ജയരാജനാണ് രോഗം സ്ഥിരീകരിച്ചത്. കണ്ണൂരിലെ വീട്ടില്‍ നിരീക്ഷണത്തിലായിരുന്ന മന്ത്രിയെ പരിയാരം മെഡിക്കല്‍ കോളേജിലേക്ക് മാറ്റി. അദ്ദേഹത്തിന്റെ ആരോഗ്യനില തൃപ്തികരമാണെന്നെന്ന് ഡോക്ടര്‍മാര്‍ അറിയിച്ചു.ധനമന്ത്രി തോമസ് ഐസകിന് കഴിഞ്ഞ ദിവസം കോവിഡ് സ്ഥിരീകരിച്ചിരുന്നു. അദ്ദേഹം തിരുവനന്തപുരം മെഡിക്കല്‍ കോളേജില്‍ ചികില്‍സയിലാണ്.