തിരുവനന്തപുരം:കാലവര്ഷക്കെടുതിയെത്തുടര്ന്നു ജില്ലയിലുണ്ടായ സ്ഥിതിഗതികള് നിയന്ത്രണ വിധേയമെന്നു സഹകരണം – ടൂറിസം മന്ത്രി കടകംപള്ളി സുരേന്ദ്രന്. ദുരന്ത നിവാരണ പ്രവര്ത്തനങ്ങള് വിലയിരുത്താന് മന്ത്രിയുടെ അധ്യക്ഷതയില് ഇന്നു രാവിലെ ഉദ്യോഗസ്ഥതല യോഗം ചേര്ന്നു.
ദുരിതാശ്വാസ ക്യാംപുകളില് ആവശ്യമായ ഭക്ഷണവും ലഭിക്കുന്നുവെന്ന് ഉറപ്പുവരുത്താന് മന്ത്രി റവന്യൂ ഉദ്യോഗസ്ഥര്ക്കു നിര്ദേശം നല്കി. ഇവിടങ്ങളിലുള്ളവര്ക്കു മെഡിക്കല് ടീമിന്റെ സേവനം ഉറപ്പുവരുത്തുമെന്നും മന്ത്രി പറഞ്ഞു. വൈദ്യുതി തടസം മൂലം പമ്ബിങ് തടസപ്പെട്ട സ്ഥലങ്ങളില് വെള്ളമെത്തിക്കാന് വാട്ടര് അതോറിറ്റിക്കു നിര്ദേശം നല്കിയതായി യോഗത്തില് പങ്കെടുത്ത ജില്ലാ കളക്ടര് ഡോ. കെ. വാസുകി പറഞ്ഞു.
ദുരന്ത നിവാരണത്തിനു പ്രത്യേകം നിയോഗിച്ച ഓഫീസര് അജിത് പാട്ടീല്, സബ് കളക്ടര് കെ. ഇമ്ബശേഖര്, അസിസ്റ്റന്റ് കളക്ടര് പ്രിയങ്ക, എ.ഡി.എം. വി.ആര്. വിനോദ്, റെവന്യൂ ഉദ്യോഗസ്ഥര്, പൊലീസ്, മറ്റു വകുപ്പുകളിലെ ഉദ്യോഗസ്ഥര് തുടങ്ങിയവര് യോഗത്തില് പങ്കെടുത്തു