ലക്നോ: ഉത്തര്പ്രദേശിലെ റോത്ത ബസാറില് വ്യാപാര സ്ഥാപനത്തിലുണ്ടായ സ്ഫോടനത്തില് പത്ത് പേര് മരിച്ചു. ആറ് പേര്ക്ക് പരിക്കേറ്റു. നിരവധി പേര് കെട്ടിടത്തിനുള്ളില് കുടുങ്ങി കിടക്കുന്നുണ്ടെന്നാണ് റിപ്പോര്ട്ട്. ശനിയാഴ്ച ഉച്ചയോടെയായിരുന്നു സംഭവം.
പരിക്കേറ്റവരെ സമീപത്തെ ആശുപത്രിയില് പ്രവേശിപ്പിച്ചു. കലിയാര് മന്സൂരി എന്നയാളുടെ സ്ഥാപനത്തിലാണ് സ്ഫോടനമുണ്ടായത്. ഇയാളും മരിച്ചതായാണ് വിവരം. മന്സൂരിയുടെ കടയുടെ പിന്നില് ഇയാളുടെ മകന് കാര്പെറ്റ് കന്പനി നടത്തുന്നുണ്ട്. ഇവിടെ ജോലി ചെയ്യുന്നവരാണ് കുടുങ്ങി കിടക്കുന്നത്. രക്ഷാപ്രവര്ത്തനം പുരോഗമിച്ചുവരികയാണ്.
മന്സൂരി അനധികൃതമായി പടക്കനിര്മാണം നടത്തിയിരുന്നതായി നാട്ടുകാര് ആരോപിക്കുന്നുണ്ട്. ഇതാണോ സ്ഫോടനത്തിന് പിന്നിലെന്ന് അന്വേഷിക്കുമെന്നും അധികൃതര് അറിയിച്ചു.
