ന്യൂഡല്ഹി: മരട് ഫ്ലാറ്റ് കേസില് മൂന്നംഗ സമിതിയുടെ റിപ്പോര്ട്ട് റദ്ദാക്കണം എന്നാവശ്യപ്പെട്ട് ഉടമകള് നല്കിയ ഹരജി സുപ്രീംകോടതി തള്ളി. ജസ്റ്റീസ് അരുണ്മിശ്ര അധ്യക്ഷനായ ബെഞ്ചാണ് ഹരജി തള്ളിയത്. കോടതി ഹരജിക്കാരുടെ വാദം കേള്ക്കാന് തയാറായില്ല.
അതേസമയം, മരടിലെ ഫ്ലാറ്റ് ഒഴിപ്പിക്കലില് പ്രതിസന്ധി തുടരുകയാണ്. മാറിതാമസിക്കാനായി ജില്ലാ ഭരണകൂടം അനുവദിച്ച അപ്പാര്ട്ട്മെന്റുകളില് ഒഴിവില്ല എന്ന ആരോപണവുമായി ഫ്ലാറ്റ് ഉടമകള് രംഗത്തെത്തി.ജില്ലാ ഭരണകൂടം നല്കിയ പട്ടികയിലെ ഫ്ലാറ്റുകളില് വിളിച്ച് അന്വേഷിക്കുമ്ബോള് മോശമായ മറുപടിയാണ് ലഭിക്കുന്നത്. ജില്ലാ ഭരണകൂടത്തെ പ്രതിഷേധം അറിയിക്കുമെന്ന് ഫ്ലാറ്റ് ഉടമകള് വ്യക്തമാക്കി. ഫ്ലാറ്റ് ഒഴിപ്പിക്കല് നടപടികള് തുടരുകയാണ്.
ഫ്ലാറ്റുകള് പൊളിക്കുന്നതിലെ ആശങ്ക പരിഹരിക്കുന്നതിന് പരിസരവാസികളുടെ യോഗം വിളിക്കാന് മരട് നഗരസഭ കൗണ്സില് തീരുമാനിച്ചിട്ടുണ്ട്.