മലപ്പുറം : കരിപ്പൂര് വിമാനത്താവളത്തില് വന് സ്വര്ണവേട്ട. രണ്ടേമുക്കാല് കിലോ സ്വര്ണമിശ്രിതവുമായി യാത്രക്കാരന് പിടിയിലായി.
ബഹ്റൈനില് നിന്നും എയര് ഇന്ത്യാ എക്സ്പ്രസില് എത്തിയ ബാലുശ്ശേരി സ്വദേശി അബ്ദുസലാമാണ് പിടിയിലായത്.
മിശ്രിത രൂപത്തിലുള്ള 2018 ഗ്രാം സ്വര്ണം പ്ലാസ്റ്റിക് കവറിലാക്കി അരയില് കെട്ടിവെച്ചും മൂന്ന് സ്വര്ണ ഉരുളകള് ശരീരത്തിലെ രഹസ്യഭാഗത്ത് ഒളിപ്പിച്ചുമാണ് കടത്തിയത്. കസ്റ്റംസ് പരിശോധന പൂര്ത്തിയാക്കി പുറത്തിറങ്ങിയ ശേഷമാണ് പൊലീസ് ഇയാളെ പിടികൂടുന്നത്. കഴിഞ്ഞ രണ്ട് മാസത്തിനിടെ സമാനമായ രീതിയില് 14 കോടി രൂപയുടെ സ്വര്ണമാണ് പൊലീസ് കരിപ്പൂരില് നിന്നും പിടിച്ചെടുത്തത്.