മുഖ്യമന്ത്രി പിണറായി വിജയനെ ആക്രമിക്കാന് ശ്രമിച്ച കേസിലെ പ്രതികളായ യൂത്ത് കോണ്ഗ്രസ് നേതാക്കള്ക്ക് വിമാനടിക്കറ്റ് ബുക്ക് ചെയ്യാന് ട്രാവല് ഏജന്സിയിലേക്ക് വിളിച്ചത് കണ്ണൂര് ഡിസിസി ഓഫിസില് നിന്നാണെന്ന് സിപിഐഎം സംസ്ഥാന കമ്മിറ്റി അംഗവും കണ്ണൂര് ജില്ലാ പഞ്ചായത്ത് പ്രസിഡന്റുമായ പി.പി.ദിവ്യ.
ടിക്കറ്റ് ബുക്ക് ചെയ്തതിന്റെ പണം ഇതുവരെ ട്രാവല് ഏജന്സിക്ക് നല്കിയിട്ടില്ലെന്നും പി.പി. ദിവ്യ ഫേസ്ബുക്കിലൂടെ ആരോപിച്ചു .
അതേസമയം, മുഖ്യമന്ത്രിക്കെതിരായ വിമാനത്തിലെ പ്രതിഷേധത്തില് യൂത്ത്കോണ്ഗ്രസ് നേതാക്കളായ മൂന്നു പ്രതികള്ക്കും ഹൈക്കോടതി ജാമ്യം അനുവദിച്ചു.
ഫേസ്ബുക്ക് പോസ്റ്റിന്റെ പൂര്ണരൂപം
വിമാനത്തില് മുഖ്യമന്ത്രിയെ അക്രമിക്കാന് പോയ യൂത്ത് കോണ്ഗ്രസ് ക്രിമിനലുകള്ക്ക് വേണ്ടി ടിക്കറ്റ് ബുക്ക് ചെയ്ത് കൊടുക്കാന് ട്രാവല് ഏജന്സിയിലേക്ക് വിളിച്ചത് കണ്ണൂര് ഡിസിസിയില് നിന്ന്. ട്രാവല് ഏജന്സിക്ക് ഇനിയും പണം നല്കിയിട്ടില്ല.