കൊച്ചി: നടിയെ ആക്രമിച്ച കേസില് ദിലീപിന്റെ ജാമ്യം റദ്ദാക്കണമെന്ന പ്രോസിക്യൂഷന് ഹരജി വിചാരണാക്കോടതി തള്ളി.
തെളിവുകള് ഹാജരാക്കാന് പ്രോസിക്യൂഷന് സാധിച്ചില്ലെന്ന് ചൂണ്ടിക്കാട്ടിയാണ് കോടതി നടപടി . ദിലീപ് കേസിലെ സാക്ഷികളായ വിപിന് ലാല്, ദാസന്, സാഗര് വിന്സന്റ് ,ഡോ ഹൈദരലി,ശരത് ബാബു,ജിന്സന് സ്വാധീനിച്ചുവെന്നായിരുന്നു പരാതി. തെളിവുകള് ഹാജരാക്കാന് പ്രോസിക്യൂഷന് സാധിക്കാത്ത സാഹചര്യത്തിലാണ് ഹരജി തള്ളിയത്.
ദിലീപ് സാക്ഷികളെ സ്വാധീനിച്ചെന്നും തെളിവ് നശിപ്പിച്ചെന്നും ചൂണ്ടികാട്ടിയാണ് പ്രോസിക്യൂഷന് ജാമ്യം റദ്ദാക്കാന് കോടതിയെ സമീപിച്ചത്. നടിയെ അക്രമിച്ച കേസില് ഹൈക്കോടതി ദീലീപിന് ജാമ്യം നല്കിയപ്പോള് മുന്നോട്ട് വെച്ച പ്രധാന വ്യവസ്ഥ സാക്ഷികളെ സ്വാധീനിക്കരുതെന്നും തെളിവ് നശിപ്പിക്കരുതെന്നതുമായിരുന്നു. എന്നാല് സാക്ഷിയായ ആലുവയിലെ ഡോ. ഹൈദരലിയെ സ്വാധീനിക്കാന് ദിലീപ് ശ്രമിച്ചു, കേസില് നിര്ണായകമാകേണ്ട ഫോണിലെ തെളിവുകള് നശിപ്പിച്ചു തുടങ്ങിയ കാരണങ്ങള് ചൂണ്ടികാട്ടിയാണ് ജാമ്യം റദ്ദാക്കണമെന്ന ആവശ്യം പ്രോസിക്യൂഷന് ഉന്നയിച്ചത്. കേസ് പരിഗണിക്കുന്നതിനിടെ ദിലീപ്, സഹോദരന് അനൂപ്, ശരത്, സുരാജ്, ഡോ. ഹൈദരാലി തുടങ്ങിയവരുടെ ശബ്ദസാമ്ബിളുകള് വീണ്ടും പരിശോധിക്കണമെന്ന് ക്രൈംബ്രാഞ്ച് കോടതിയെ അറിയിച്ചിരുന്നു.