തിരുവനന്തപുരം: സംസ്ഥാനത്ത് ഒരാള്ക്ക് കുരങ്ങ്പനി (മങ്കി പോക്സ്) ബാധിച്ചതായി സംശയമെന്ന് ആരോഗ്യമന്ത്രി വീണാ ജോര്ജ്. യുഎഇയില് നിന്ന് മൂന്ന് ദിവസം മുമ്പ് നാട്ടിലെത്തിയ ആള്ക്കാണ് മങ്കി പോക്സ് സംശയിക്കുന്നത്.
രോഗലക്ഷണങ്ങള് കണ്ടതിനെ തുടര്ന്ന് രോഗിയുടെ സാമ്പിളുകള് പരിശോധനയ്ക്കായി പുണെയിലെ വൈറോളജി ഇന്സ്റ്റിറ്റ്യൂട്ടിലേക്ക് അയച്ചു. വ്യാഴാഴ്ച വൈകീട്ടോടെ പരിശോധന ഫലം
ലഭിക്കുമെന്നും ആരോഗ്യമന്ത്രി പറഞ്ഞു.
യുഎഇയില് ഇയാളുമായി അടുത്ത സമ്പര്ക്കമുള്ള ഒരാള്ക്ക് മങ്കി പോക്സ് സ്ഥിരീകരിച്ചിട്ടുണ്ട്. രോഗിയെ നിരീക്ഷണത്തിലാക്കിയിട്ടുണ്ടെന്നും ആശങ്കപ്പെടേണ്ട സാഹചര്യമില്ലെന്നും ആരോഗ്യമന്ത്രി വ്യക്തമാക്കി.
പ്രാഥമിക പരിശോധനയില് മങ്കി പോക്സ് ആണെന്ന് സംശയം തോന്നിയതിനെ തുടര്ന്നാണ് ഇയാളെ ക്വാറന്റൈനില് പ്രവേശിപ്പിക്കുകയും ചികിത്സ നല്കുകയും ചെയ്യുന്നുണ്ടെന്ന് ആരോഗ്യമന്ത്രി വീണ ജോര്ജ്ജ് അറിയിച്ചു. രോഗിയുടെ സാംപിള് വൈറോളജി ഇന്സ്റ്റിറ്റ്യൂട്ടിലേക്ക് അയച്ചിട്ടുണ്ടെന്നും പരിശോധന ഫലം വന്ന ശേഷം ഇക്കാര്യത്തില് കൂടുതല് വിവരങ്ങള് പുറത്തു വിടുമെന്നും ആരോഗ്യമന്ത്രി അറിയിച്ചു. രോഗിയുടെ വീട്ടുകാരെ പ്രത്യേകം നിരീക്ഷണത്തിലേക്ക് മാറ്റിയെന്നും ആരോഗ്യമന്ത്രി അറിയിച്ചു.
മൃഗങ്ങളില് നിന്ന് മനുഷ്യരിലേക്കും ശരീര ശ്രവങ്ങളില് നിന്നും പടരാന് സാധ്യതയുള്ള രോഗമാണ് മങ്കീപോക്സ്. വൈറോളജി ഇന്സ്റ്റിറ്റ്യൂട്ടിലേക്ക് അയച്ച സാംപിളുകളുടെ ഫലം വൈകിട്ടോടെ വരുമെന്നാണ് പ്രതീക്ഷിക്കുന്നതെന്നും ആരോഗ്യമന്ത്രി വ്യക്തമാക്കി. മങ്കീപോക്സ് ബാധിതരില് മരണനിരക്ക് വളരെ കുറവാണെന്നും അപകട സാധ്യത അധികമില്ലെന്നും വളരെ അടുത്ത ആളുകളുമായി കോണ്ടാക്ട് ഉണ്ടെങ്കില് മാത്രമേ ഈ രോഗം പടരൂവെന്നും മന്ത്രി വിശീദകരിച്ചു.