വട്ടിയൂര്ക്കാവിലെ സിപിഐഎം ബ്രാഞ്ച് കമ്മിറ്റി ഓഫീസ് ഡിവൈഎഫ്ഐ പ്രവര്ത്തകര് അടിച്ചു തകര്ത്ത സംഭവത്തില് ശ്രീമതി ടീച്ചറെ ട്രോളി കോണ്ഗ്രസ് നേതാവ് രാഹുല് മാങ്കൂട്ടത്തിലിന്റെ ഫെയ്സ് ബുക്ക് പോസ്റ്റ്.
‘വട്ടിയൂര്ക്കാവ് സിപിഐഎം ബ്രാഞ്ച് കമ്മിറ്റി ഓഫീസ് ഡിവൈഎഫ്ഐ പ്രവര്ത്തകര് അടിച്ചു തകര്ത്തു. വായിച്ചു കൊണ്ടിരുന്ന കസേരയുടെ അനക്കം, തീവ്രത സ്കെയിലില് 2.0 രേഖപ്പെടുത്തിയതായി ശ്രീമതി ടീച്ചര്’. – രാഹുല് മാങ്കൂട്ടത്തില് ഫെയ്സ്ബുക്കില് കുറിച്ചു.
വട്ടിയൂര്ക്കാവ് ലോക്കല് കമ്മിറ്റിയിലെ മേലത്തുമേലേ സിപിഐഎം ബ്രാഞ്ച് കമ്മിറ്റി ഓഫിസാണ് ഡിവൈഎഫ്ഐ പ്രവര്ത്തകര് അടിച്ചുതകര്ത്തത്. പാര്ട്ടിക്കുള്ളിലെ പ്രശ്നങ്ങളാണ് അക്രമത്തില് കലാശിച്ചത്.