കോഴിക്കോട്: പന്തിരിക്കരയില് യുവാവിനെ തട്ടിക്കൊണ്ടുപോയ സ്വര്ണക്കടത്ത് സംഘത്തിലെ അംഗത്തിനെതിരെ പൊലീസ് പീഡനത്തിന് കേസെടുത്തു.
കൊടുവള്ളി സ്വദേശി സാലിഹിനെതിരെയാണ് പെരുവണ്ണാമൂഴി പൊലിസ് കേസെടുത്തത്.
കഴിഞ്ഞ ദിവസം കസ്റ്റഡിയില് എടുത്ത പത്തനംതിട്ട സ്വദേശിയായ യുവതിയുടെ മൊഴിയുടെ അടിസ്ഥാനത്തിലാണ് കേസെടുത്തത്. യുവതിയെ ചോദ്യം ചെയ്തതില് നിന്ന് നിര്ണായകമായ വിവരങ്ങള് ലഭിച്ചെന്നാണ് സൂചന.
വിദേശത്തുള്ള ഇവരുടെ ഭര്ത്താവാണ് സ്വര്ണക്കടത്ത് സംഘത്തിന്, തട്ടിക്കൊണ്ടു പോയ ഇര്ഷാദിനെ പരിചയപ്പെടുത്തിക്കൊടുത്തതെന്ന വിവരം പൊലീസിന് ലഭിച്ചിട്ടുണ്ട്.
കൊടുവള്ളി കേന്ദ്രീകരിച്ചുള്ള സംഘത്തെ തിരിച്ചറിഞ്ഞിട്ടുണ്ടെങ്കിലും ഇതില് ഉള്പ്പെട്ട പലരും വിദേശത്തായതാണ് അന്വേഷണത്തില് നേരിടുന്ന പ്രതിസന്ധി. പന്തിരിക്കരയില് തന്നെയുള്ള ചിലരെ പൊലീസ് കസ്റ്റഡിയില് എടുത്തെങ്കിലും പിന്നീട് വിട്ടയച്ചു. പേരാമ്ബ്ര എഎസ്പിയുടെ നേതൃത്വത്തിലുള്ള പ്രത്യേക അന്വേഷണ സംഘമാണ് ഇപ്പോള് കേസ് അന്വേഷിക്കുന്നത്