വയനാട് തിരുനെല്ലിയിലെ ബഡ്സ് പാരഡൈസ് സ്പെഷ്യല് സ്കൂളില് അപകടാവസ്ഥയിലായിരുന്ന കെട്ടിടത്തോട് ചേര്ന്നുള്ള ഹട്ടുകള് പൊളിച്ചുനീക്കാന് തുടങ്ങി. മണ്ണ് കൊണ്ട് നിര്മിച്ച ഹട്ടുകളാണ് പൊളിക്കുന്നത്. സ്കൂളിലെ കെട്ടിടം ഗുരുതരാവസ്ഥയിലാണെന്ന് പഞ്ചായത്ത് എഞ്ചിനീയറിങ് വിഭാഗം റിപ്പോര്ട്ട് നല്കിയിരുന്നു. ഓട് മേഞ്ഞ സ്കൂള് കെട്ടിടമാണ് അപകടാവസ്ഥയിലുള്ളതെന്നും അടിയന്തരമായി പൊളിക്കണം എന്നുമാണ് എന്ജിനീയറിങ് വിഭാഗം റിപ്പോര്ട്ട് നല്കിയത്.