മലപ്പുറം : എം.പി. ലാഡ് പദ്ധതിയ്ക്ക് കീഴില്‍ ഭരണാനുമതി നല്‍കുന്ന പ്രവ്യത്തികളുടെ പൂര്‍ത്തീകരണത്തിന് ശേഷം അന്തിമ ബില്‍ തുക അനുവദിക്കുന്നതിന് മുമ്പ് പദ്ധതി പ്രദേശത്ത് പൊതുജനങ്ങളുടെ അറിവിലേക്കായി നിശ്ചിത വലുപ്പത്തിലും മാതൃകയിലും ഗ്രാനൈറ്റിലോ ലോഹത്തിലോ തയ്യാറാക്കിയ നെയിം ബോര്‍ഡ് സ്ഥിരമായ രൂപത്തില്‍ നിര്‍ബന്ധമായും സ്ഥാപിക്കണമെന്ന് കലക്ടര്‍ അറിയിച്ചു. എം.പി. ലാഡ്‌സ് മാര്‍ഗനിര്‍ദേശങ്ങള്‍ പ്രകാരം തയ്യാറാക്കി സ്ഥാപിക്കാത്ത Read More …

മലപ്പുറം : കൊണ്ടോട്ടിയില്‍ 13.40 കോടി രൂപ ചെലവില്‍ നിര്‍മിച്ച മൂന്ന് റോഡുകളുടെ പ്രവര്‍ത്തനോദ്ഘാടനം ഇന്ന് രാവിലെ 11.30 ന് പൊതുമരാമത്ത് വകുപ്പ് മന്ത്രി വി.കെ ഇബ്രാഹിം കുഞ്ഞ് നിര്‍വഹിക്കും.മുതുവല്ലൂര്‍ പഞ്ചായത്തിലെ വിളയില്‍ നടക്കുന്ന പരിപാടിയില്‍ മുഹമ്മദുണ്ണി ഹാജി എം.എല്‍.എ അധ്യക്ഷനാവും.വാഴയൂര്‍,ചീക്കോട്,മുതുവല്ലൂര്‍ പഞ്ചായത്തുകളിലെ അഴിഞ്ഞിലം-കാടപ്പാടം-പുതുക്കോട് റോഡ്,വിളയില്‍-ചുള്ളിക്കോട് കോളനി-താളിയില്‍ മുക്ക് റോഡ്,മുണ്ടക്കല്‍-മേച്ചേരിപ്പറമ്പ്,കോട്ടമ്മല്‍ റോഡുകളുടെ പ്രവര്‍ത്തനോദ്ഘാടനമാണ് നിര്‍വഹിക്കുന്നത.

മലപ്പുറം : പുതിയ ജില്ലാ പഞ്ചായത്ത് അംഗങ്ങള്‍ക്കും, ബ്ലോക്ക് പഞ്ചായത്ത് പ്രസിഡന്റുമാര്‍ക്കും സ്റ്റാന്‍ഡിങ് കമ്മിറ്റി ചെയര്‍മാന്‍മാര്‍ക്കും ഡിംസബര്‍ 22 ന് ദാരിദ്ര്യ ലഘൂകരണ വിഭാഗം കോണ്‍ഫറന്‍സ് ഹാളില്‍ കേന്ദ്രാവിഷ്‌കൃത പദ്ധതികളെക്കുറിച്ച് ഏകദിന പരിശീലനം നല്‍കുമെന്ന് പ്രൊജക്ട് ഡയറക്ടര്‍ അറിയിച്ചു.

മലപ്പുറം : സഹകരണ വകുപ്പ് നടപ്പാക്കുന്ന ‘ആശ്വാസ് 2016’ കുടിശ്ശിക നിവാരണ പദ്ധതി, 36 നിക്ഷേപസമാഹരണയജ്ഞം എന്നീ പദ്ധതികളുടെ വിജയകരമായ നടത്തിപ്പിനായി ജില്ലയിലെ വായ്പാസഹകരണ സംഘം ബാങ്ക് പ്രസിഡന്റ്, സെക്രട്ടറിമാര്‍ എന്നിവരുടെ യോഗം 22 ന് ഉച്ചയ്ക്ക് രണ്ടിന് മലപ്പുറം ജില്ലാ സഹകരണ ബാങ്ക് ആഡിറ്റോറിയത്തില്‍ നടക്കും.