വയനാട്: വയനാട്ടില് കുരങ്ങുപനി ഭീഷണി നിലനില്ക്കുന്ന സാഹചര്യത്തില് പ്രതിരോധ നടപടികള് ഉൗര്ജിതമാക്കി ആരോഗ്യ വകുപ്പ്. പ്രതിരോധ നടപടികളുടെ ഭാഗമായി ഇതുവരെ 8627 പേര്ക്ക് പ്രതിരോധ കുത്തിവെപ്പ് നല്കിയതായി അധികൃതര് അറിയിച്ചു.
തിരുനെല്ലി പഞ്ചായത്ത് കേന്ദ്രീകരിച്ചാണ് പ്രതിരോധ പ്രവര്ത്തനങ്ങള്. വനാതിര്ത്തിയോട് ചേര്ന്നു താമസിക്കുന്നവര്ക്കും വനത്തില് പോകുന്നവര്ക്കും ലേപന വിതരണവും നടത്തുന്നുണ്ട്.
ഇതോടൊപ്പം വനത്തില് പോകുന്പോള് സ്വീകരിക്കേണ്ട സുരക്ഷാ മുന്കരുതലിനെക്കുറിച്ചും പ്രദേശത്ത് ബോധവത്കരണം നടത്തുന്നുണ്ട്. വനത്തില് പോകുന്നവര് വാക്സിനേഷന് മൂന്നു തവണ നിര്ബന്ധമായും എടുക്കണമെന്നും ആരോഗ്യവകുപ്പ് നിര്ദ്ദേശിച്ചു.
