വയനാട്: മഴക്കാലം ഗോത്ര സമൂഹത്തോടൊപ്പം അനുഭവവേദ്യമാക്കാന് മഴക്കാല ഗോത്ര പാരമ്ബര്യ ഉത്പന്ന പ്രദര്ശന വിപണന ഭക്ഷ്യ കലാമേള ‘മഴക്കാഴ്ച’ ജൂണ് 4, 5 തീയതികളില് ഇതോടൊപ്പം നടക്കും.
മഴക്കാഴ്ച എക്സിബിഷന് ഒ.ആര് കേളു എം.എല്.എ ഉദ്ഘാടനം ചെയ്യും. കുടുംബശ്രീ ട്രൈബല് കഫ്റ്റീരിയ ഐ.സി.ബാലകൃഷ്ണന് എം.എല്.എ ഉദ്ഘാടനം ചെയ്യും. മഴക്കാല ഗോത്ര തനത് ഭക്ഷ്യമേള, മഴക്കാല ഗോത്ര കലാരൂപ പ്രദര്ശനം, മഴക്കാല ഗോത്ര പുരാതന കാര്ഷിക വിള, ഉപകരണ പ്രദര്ശനം, മഴക്കാല ഗോത്ര മരുന്നുകള്, ഗോത്ര തനത് ആവിക്കുളി, പി ആര്.ഡിയുടെ ഗോത്ര ഫോട്ടോഗ്രഫി പ്രദര്ശനം എന്നിവയും പരിപാടിയുടെ ഭാഗമായി നടക്കും.
എന് ഊര് സ്ഥാപക അംഗങ്ങളായ ഊരുമൂപ്പന്മാരെ ആദരിക്കലും ജില്ലാ നിര്മ്മിതി കേന്ദ്രക്കുള്ള ഉപഹാര സമര്പ്പണവും മന്ത്രി കെ. രാധാകൃഷ്ണന് നിര്വഹിക്കും. വയനാട്ടിലെ ഗോത്ര പാരമ്ബര്യ വിദഗ്ദരെയും എന് ഊര് ആര്ക്കിടെക്ടുകളെയും മന്ത്രി പി. എ മുഹമ്മദ് റിയാസും എന് ഊര് സി.എസ്.ആര് ഫണ്ട് സപ്പോര്ട്ടേഴ്സിനെ അഡ്വ.ടി.സിദ്ദിഖ് എം.എല്.എയും ആദരിക്കും.
സമാപന സമ്മേളനം ജൂണ് 5 ന് വൈകീട്ട് 3 ന് അഡ്വ. ടി സിദ്ദിഖ് എം എല് എ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് സംഷാദ് മരക്കാര് അദ്ധ്യക്ഷത വഹിക്കും. എന് ഊര് ആസ്പിരേഷന് ഡിസ്ട്രിക് പരിശീലകര്ക്കുള്ള സര്ട്ടിഫിക്കറ്റ്, മൊമന്റോ എന്നിവ ജില്ലാ കളക്ടര് എ ഗീത വിതരണം ചെയ്യും. രണ്ടു ദിവസങ്ങളിലും വിവിധ ഗോത്ര കലാ പരിപാടികളും അരങ്ങേറും.