റിയാദ്: സൗദിയില് താമസസ്ഥലത്ത് തൂങ്ങിമരിച്ച മലയാളിയുടെ മൃതദേഹം രണ്ടുമാസത്തിന് ശേഷം നാട്ടിലെത്തിച്ചു. റിയാദ് അല്-ജില്ലയിലെ റൂമില് തൂങ്ങി ജീവനൊടുക്കിയ തൃശ്ശൂര് മണലൂര് സ്വദേശി പ്രസന്ന കുമാറിന്റെ (63) മൃതദേഹം കേളി കലാസാംസ്കാരിക വേദി ജീവകാരുണ്യ വിഭാഗം പ്രവര്ത്തകര് ഇടപെട്ടാണ് നാട്ടിലെത്തിച്ചത്.
32 വര്ഷത്തോളമായി ഒരു സ്പോണ്സറുടെ കീഴില് ഡ്രൈവറായി ജോലി ചെയ്യുകയായിരുന്ന പ്രസന്നകുമാറിന്റെ മൃതദേഹം നാട്ടിലെത്തിക്കുന്നതിന്ന് സ്പോണ്സറുടെ ഭാഗത്തുനിന്നും സഹകരണം ലഭിക്കാത്തതിനാല് നാട്ടിലെ കുടുംബം നോര്ക്കയെ സമീപിക്കുകയായിരുന്നു.