മനുഷ്യക്കടത്തിന് കനത്തശിക്ഷ പ്രഖ്യാപിച്ച് സൗദി പബ്ലിക് പ്രോസിക്യൂഷന്. 15 വര്ഷം വരെ തടവും 10 ലക്ഷം റിയാല് വരെ പിഴയുമായിരിക്കും ശിക്ഷയെന്ന് സൗദി അറ്റോണി ജനറല് ശൈഖ് സഊദ് അല് മുഅജബ് പറഞ്ഞു.
രാജ്യത്തെ ബന്ധപ്പെട്ട വകുപ്പുകള് അംഗീകരിച്ചതും സൗദി ഭരണത്തിന്റെ അടിസ്ഥാന നിയമത്തിലെ വ്യവസ്ഥകളാല് സ്ഥിരീകരിച്ചതുമായ നിയമം അന്താരാഷ്ട്ര ഉടമ്ബടികള്ക്കും അവകാശങ്ങള്ക്കും അനുസരിച്ചാണ് രൂപപ്പെടുത്തിയതെന്ന് അദ്ദേഹം പറഞ്ഞു. എല്ലാ വര്ഷവും ജൂലൈ 30 അന്താരാഷ്ട്ര മനുഷ്യക്കടത്ത് വിരുദ്ധദിനമായി ആചരിക്കുന്നതിന്റെ ഭാഗമായി നടത്തിയ വാര്ത്തസമ്മേളനത്തിലാണ് അറ്റോണി ജനറല് ഇക്കാര്യം വ്യക്തമാക്കിയതെന്ന് സൗദി പ്രസ് ഏജന്സി റിപ്പോര്ട്ട് ചെയ്തു.